معرفه السعرآت اليوميهه حسب الطول والوزن ^^

السلـآم عليكم ورحمه الله وبركآته ..
شحآلكم ؟ ..
اليوم انـآ يبتلكم معلومهههه
تقريبآ اغلب البنآت ف هالقسم سعرآتهم اليوميه مآتتعدآ الـ 1200 طبعآ هذا غلط لـآنه كل شخص غير عن الثآني

يوم خذت كتآب insanity فييه كتآب Elit Nutrition كل مآيخص الكآلوريز وفيه وصفآت للاكل الصحي وجيه ^^

المهم فيه قسم نحسب الكالوريز اللي الانسآن يحتآجهآ فيه يومه .. هو الكتآب بالانقلش بس بكتب الخطوآت مترجمهه

الخطوه الاولى:

حق الحرمه: 655 + ( 4.35 x الوزن (بـآلبآوندز مب بالكيلو) ) + ( 4.7 x الطول بالانج مب سآنتي متر) – ( 4.7 x العمر بالسنوات)

حق الريآل: 66 + ( 6.23 x الوزن (بـآلبآوندز مب بالكيلو) ) + ( 12.7 x الطول بالانج مب سآنتي متر) – ( 6.8 x العمر بالسنوات)

فيه موآقع وآيد تحول الكيلو الى بآوندز و الطول الى انج
الكيلو الى بآوندز: https://www.manuelsweb.com/kg_lbs.htm
السآنتيمتر الى انج: https://www.manuelsweb.com/in_cm.htm
تآكدي انج تضغطين على الصغيه اللي تبينهآ ^^

الخطوه الثآنيه:

الحين تآخذين الرقم من الجدول .. وتضربينه بالرقم اللي طلعلج من الخطوه الاولى

شرح الجدول: هو عن مستوي التمآرين اللي تسوينهآ
لو مآتسوين ريآضه ابدآ .. اول رقم وهو 1.2
لو تسوين من يوم الى 3 ايآم .. ثآني رقم وهو 1.375
لو تسوين من 3 ايآم الى 5 ايآم .. ثآلث رقم وهو 1.55
لو تسوين من 6 ايآم الى 7 ايآم .. رآبع رقم وهو 1.7
لو تسوين ريآضه يوميه او وظيفه فيهآ حركه وآيد ^^ .. خآمس رقم وهو 1.9 ( مثل العمآل والمهندسين وجيه اللي يبنون)

الخطوه الثآلثه:

الحين الرقم اللي طلعلج بعد مآضربتي الرقم من الخطوه الاولى ب الخطوه الثانيه

اذا كنتي تبين تسوين رجيم (تنزلين وزنج) .. تنقصين 500 سعرات اليوميآ
اذا كنتي تبين تمتنين ( تزيدين وزنج) .. تزيدين من 250 الى 300 سعره يوميآ
اذا بس تبين تحآفظين ع وزنج .. خلج ع الرقم اللي طلع بعد مآضربتي الخطوه الاولى من الثآنيه

طبعآ المعلومه يديده حتى علي انـآ .. حبيت اخبركم ايآهآ عشآن وايد بنآت تمو ع لفل وآحد من السعرآت وهو 1200
اتمنى انه اللي كتبته له فآييده ^^ .. وخبروني كم سعره طلعلتلكم حق اليوم الوآحد ..
والله ترآ تعبت عليهه وانا اكتبه ههه بس تستآهلون

ماشاءالله موضوع حلو ومتعوب

بَـً>:/ـًسْ أنــ♥ـــا مافهمت

لو تحطين لنا مثال وتعوضين ارقام رح نفهم اكثر

وعندي سوال يعني كل يوم نحسب ولا بَـً>:/ـًسْ مره

وبعد عندي سوال ثاني مايخصه ف موضوعج
الحين اليوم صبح نشيت وشفت وزني طلع 67.2 طبعا كنت صايمه
ولما فطرت وكليت شفت وزن مُـٍ<3ــًـنْ جهاز الي يكون ف اماكن عامه انصدمت طلع 68.5

الحين اعتمدت ع اي واحد ماعرف

الحين بحط مثآل .. الكتآب حآط اصلن مثآل ..

حرمه عمرهآ 40 سنه و طولها 165 سآنتيمتر و وزنهآ 68.2
تسوي تمآرين 6 ايآم في الاسبوع .. وهي تبآ تنقص وزنهآ يعني تبآ تضعف تضعف

طبعآ قبل كل شي بنحول الـطول من سانتيمتر الى انجز .. و الوزن من كيلو الى باندوز .. بآستخدآم الموقعين اللي حطيتهم
هي طولهآ 165 سآنتيمتر .. يعني 65 انج .. هآي الطريقه بالصوره ( لاحظي اي صيغه اخترت ) تحت طولهآ بالسآنتيمتر

و وزنهآ 68.2 كيلو .. يعني 150 بآوندز .. هآي الطريقه بالصوره ( لاحظي اي صيغه اخترت ) تحت وزنهآ بالكليو

آلحيييييين عن الحسآبآت ..
الخطوه الاولى:

(ابدي حسبي من الـ 655 … يعني 655 زآيد 652.5 زايد 305.5 نآقص 188)

الخطوه الثآنيه:
بمآ انهآ تسوي ريآضه 6 ايآم في الاسبوع .. يعني بنآخذ الرقم 1.7

يعني تقريبآ 2400 .. ( في الكتآب بعد مقربين ^^ )

الخطوه الثآلثه:
لانه الحرمه تبآ تنقص وزنهآ .. ف بتنقصيين ب 500

يعني يوميآ الحرمه تحتآج على حسب وزنهآ 1900 سعرآت في اليوم ..
هآ يتم اذا تم الوزن ثآبت .. لكن اذا انتي تسوين رجيم .. كل اسبوع اذا نزل وزنج ردي حسبي مره ثآنيه وشوفي اذا تغير ولا تمت نفس السعرآت ^^

ههههه شكرآ فديتج .. حطيت مثآل اتمنى افدتج في شي ..

هب كل يوم الا لو تغير وزنج وطولج

هههههههه مادري انا احس الوزن على معده خآليه احسن ! حتى يوم تقيسين عند اي دكتور يقولج قبل الموعد ب 3 سآعآت لا تآكلين شي الا مآي .. لانه هو الوزن الصح

لانج كلتي فطبيعي وزنج بعد الاكل أكبر من قبل الأكل …..

صح ذكرتيني انا لما اوزن فالبيت يطلع اقل من الميزان الي فالسكول او الميزان الي فالمستشفى ليش !!!!!

انا يوم يكون يوم الميزان ^^ .. اوزن اول مآانش لانه مآكون مآكله شي ولـآ شي

بس يمكن ميزآنكم يكون خربآن اللي ف البيت .. لانه ع الاغلب ف السكول احيد مآكنآ نآكل وآيد خخخ

يعطيج العافية الغلا