معلمه ح1 بنين كيف تتعاملين ويا الطلاب

السلام عليكم ورحمه الله وبركاته
الحمدالله تم تعيني ومستانسه
بس انصدمت لما قالو لي بدرسين اولاد حلقه اولى
انا مادتي ماده نشاط تربيه فنيه بس وايد متخوفه كيف بتعامل ويا الطلاب
تخصصي فنون وما اعرف شي بالتربيه غير من الكتب والمحاضرات بس ما طبقتها تطبيق عام

خبروني اغير لمدرسه بنات او انه كيف اتعامل مع الاولاد واسيطر ع الوضع في الكلاس

كل مدرسه تفيدني بكتب فيديوات اقدر اقراها هالاسبوع قبل دوام الطلاب

الله يوفقك
اهم شئ تشغلي الحصه كلها ومتديش فرصه لعمل ازعاج ف يالفصل
قوه الشخصيه مطلوبه جدا جدا مع الولاد يعني حسم من اول لحظه ولا ضحكه ولا اي شئ بعدين لما يخافوا منك ابدئي لطفي معاهم عشان ميتعبوكيش
ومتخوفيش عشان خوفك ده هيبان عليكي
لو عندك حد قريبك في نفس السن شوفي بتتعاملي معاه ازاي واعتبري دول زيه هما اصغر منك بكتير يعني هيسيطري عليهم ان شاء الله

بس حصتي حصه نشاط وانا من طموحاتي وهدفي بالتربيه هالماده اني انمي الموهبه بشكل مرح باخراج الطاقات بقطعه فنيه مبدعه
لو بنات اعرف اتعامل معامهم بس مشكلتي مع الاولاد ما ادري كيف
صحيح عندي قوه شخصيه اشتغلت بالسابق بشركتين واتعاملت مع جنسيات مختلفه ونظمت فعاليات وتعاملت مع الاطفال باللعب وجيه والمرح
بس الشده اوكي بس اخاف ما ابا اخوفهم واكون المعلمه اللي ترعبهم وهاه مب اسلوبي
وان شاء الله بشوف المعلمات اللي معاي نفس المدرسه وبستفيد منهن بس وايد متخوفه اني بدرس اولاد

مع الاولاد محتاجة الحزم والشدة خصيصا في الشهر الاول ومن أول يوم انصحج توضحين لهم قوانين الصف وتعلقينهم قدامهم وتوضحين لهم ان مخالفة القوانين تعرض الطالب للعقاب وفعلا استخدمي العقاب طبعا مو المقصود فيه الضرب أوالاهانة إنما الحرمان من المشاركة في الحصة واجلاس الطالب على كرسي العقاب واستخدام الانذار للطالب وغيرها من وسائل العقاب إلى مدرستج تتبعة من البداية اطلبي من الاخصائية الاجتماعية في المدرسة تعطيج نموذج من مدونة السلوك المتبعة في مدرستهم ,, كوني شديدة ولا تضحكين معاهم فالبداية لين تضبطينهم وعقب خفي عليهم ,, ولا تخافين الاولاد ما يخافون هم فالبداية بيختبرونج اذا كنتي طيبة بيركبون على راسج انا مدرسة اولاد من 7 سنوات والله الاولاد يمشون على ما تعودينهم ومن البداية , وانصحج أختي اذا في مجال تحولين للبنات أفضل لان المعلمات في مدارس الطلاب مجهودهم و وقتهم ضايع في ضبط الصف وفض الضرايب الي ما تنتهي , هذا ضربي وهذا سبني !! والله تعليم اللأولاد وايد صعب ,,, وربي يوفقج

بالتوفيق ما شالله الخوات ما قصرن