خواتي ابغي استفسر وابغي النصيحه من لديه فكره او معرفه
ولدي ان شاء الله بيخلص الثانويه بمجرد ظهور النتائج وهو في القسم الادبي
ابغي اقدم له في جامعه علوم سياسية بس هو متخوف لان عنده مشكله في اللغه واصلا اصلا ما يحب الانقلش
هو يقولي ابغي ادرس تخصص سهل ومريح ومطلوب وابغي يكون له مستقبل
برايكم وين يكون التخصص اللي مافيه توفل والدراسه فيه سهله ومريحه لان مستواه مقبول
وعرضت عليه انه يدخل معهد في هالشهرين ويستفيد من اللغه بعد زين
وحد قالي عادي لا يدرس هالسنه وخليه بس معهد يدرس لغه مابيضره
وانا والله محتااااااره
اتمنى اللي عنده فكره يساعدني .. ونحن من اهل دبي
وشكرا لكم
و بخصوص التخصص الحين خل يختار اللي بيرتاح له
لانه من يدخل الجامعه بيتعرف على التخصصات أكثر و بيغير رأيه
و ربي يوفقه و أن شاء الله تشوفينه في أعلى المناصب
خليه يختار التخصص اللي يحبه بغض النظر عن مستواه , ويحاول يجتهد , واللغة لازم بيكتسبها مع الممارسة والاجتهاد
ربي يوفقه اختي وتفرحين به 
بس انا اعرف ان أي جامعه واي تخصص يحتاج شهادة التوفل او الايلس
في تخصص القانون في جامعة عجمان والاعلام هذيلا ما يحتاجن توفل فهل تنصحوني فيهن ؟؟
بعدين في قسم بجامعة الشارقة اللي هو ادارة اعمال – قسم التمويل والاقتصاد بعد اعتقد ما يحتاج توفل فهل تنصحوني فيه ولا ..؟
فكري بتخصص بيكون مطلوب بعد 4 سنوات ولا 5
الحين كل شي يحتاج شهادة توفل وحتى يوم الواحد يتخرج ويقدم عالوظيفة اول شي يطلبون شهادة توفل ولا ايلس
كلميه لا يتعقد من الامتحان عادي ياما ناس سوو الامتحان وعادووه كمن مره لين ما نجحوا
خل يجتهد ويتعلم الانجليزي بينفعه وااايد بالمستقبل
الله يسهل عليه وعليج ولا ينسى الاستخارة
أخيت مافي شي بيجي باالسهل …… والمهم مو هو التخصص السهل والمطلوب بقدر ما هي ميول ابنج، يعني هو خلص بس يبا بعدين مركز ووظيفة مملة وشي ما يحبه؟ … أنا مع قاعدة "الإنسان المناسب في المكان المناسب" …. وحسب هو شو بيحب.
خليه يدرس انجليزي سنة بياخد أبو التوفل مو بس التوفل 
بالتوفيق
والسلام عليكم ورحمة الله