منو قالولها عندها ضيق فالحوض وولدت طبيعي؟؟

السلام عليكم يا أخوااااات
أنا حامل فالشهر التاسع وهذا ثاني حمل لي …
الولادة الأولى كانت قيصرية لأنه نزل علي مااااي وايد وماانفتح الرحم غير 5 سم وتعب نبض البيبي…

هالمرة خاااااطري أولد طبيعي … فرحت عند الدكتورة وسألتها وقالت لي إذا حابة تتأكدين.. سوي أشعة على الحوض… فسويت وقالت لي عندج مخرج الحوض ضيق …تقريباً 9 سم … وللحين الرأس مانزل فالحوض ووزن البيبي تقريباً 3 كجم ماشاءالله … يعني نفس البيبي الأول.. وعطوني 27/5 موعد للولادة …يعني احتمال كبير يسوولي عملية.
أنا بصراحة وااايد تعبت من العملية الأولى … وماأبغي هالشي يتكرر…وخاطري أولد طبيعي …
أنا قلت بصبر وبتريا يمكن الله يسهلها
هل تعرفون وحدة قالولها أن حوضها ضيق وقدرت تولد طبيعي؟؟؟

سمحيلي ما عندي فكره

رفع

ختيه كان عندها الحوض ضيج اعتقد
بس ولدت طبيعي مع انه كان مقرر لها عمليهّّّ

هي ماستعيلت على عمرها وتريت لين حان الموعد وربت والحمدلله

الله يسهل عليج يااربي وتولدين طبيعي لانه صج العمليه مب هينه

بالتوفيج ^^

لا أختي ما أنصحج دام قالت لج الدكتورة الرحم عندج ضيق
عملية عملية .. ويعتمد بعد على حجم الطفل …
أنا أمي عندها الحوض ضيق هني ما قالوا لها المهم مرة حاولت تجازف
وكان وزن الطفل 4 يعني الله ستر وسوت العملية…
بس لمن سافرت لندن قالوا إلها عندج الحوض ضيق فصعب تولدين طبيعي
خصوصاً حجم الأطفال عندج كبير ممكن 2,5 تولدين طبيعي ..
يعني يعتمد ع حجم الطفل فالمفروض ما تجازفين أختي ..
والله يسهل عليج إن شاء الله الوالدة…

ويرزقني ويرزق كل محروم من الذرية الصالحة الهم آمين ..

الاخت nano1984 وفت وكفت …. سمعي كلام الدكتورة احسن وافضل لج وللبيبي والله يسهل عليج الولادة

والله الغالية كل شي بيد الله سبحانه بس الوحدة تاخذ الاحتياط و اللي فيه الخير الله بيكتب لها،، أنتي عليج لا تستعيلين ،، أتريي لين التاريخ اللي عطوج و خلال هالوقت حاولي تمشين واااايد بس كل ما تتعبين ريحي 5 دقايق،،،و لا تنسين أحيانا بالبيت ايلسي يلسة الضفدع (الحمام العربي) أكرمكم الله،،، هذا يساعد على توسيع منطقة الحوض و تيسير الولادة،، و الله يطمن قلبج و إنشالله تولدين طبيعي يا رب

ادعوا لي يا أخواااات بولادة طبيعية سهلة، إن شاءالله