السلام عليكم و رحمة الله و بركاته
خواتي شخباركم ؟؟
فديتكن بغيت نصيحكتن من تجاربكن للحياة
انا عندي ربيعة الروح بالروح تعرفت عليها من سنتين تقريبا و عندي كل اسرارها و عندها كل اسراري
سبحان الله الانسان ما يعرف الناس الا بالمواقف ومواقفها في البداية كانت كلها عسل في عسل بس الظاهر كان كله تمثيل و سوالفها كله خرط في خرط عسب تحبب في نفسها لانها تحولت من انسانة طيبة و عسولة إلى إنسانة استغلالية .. ما ريد ادخل في التفاصيل لاني بدخل في مواضيع كثيرة …….. الخ ماعليه
مشكلتي اني بسرعة اتعلق بالشخص و أحبه وخبرتها بكل اسراري بس ماعليه هذا درس و تعلمته انه مو أي احد اخبره اسراري
المشكلة انه هالبنت تعرف اني مخطوبة و مرة شافت صورة خطيبي في بوكي ( انا ما احطها في البوك دايما بس صدفة في هذاك اليوم شافته )
من يوم ما شافته و هيه كله تطريه شحاله و شخباره بس انا اغير الموضوع و ترد وتسأل و ترد تقولي وين هو الحين شو يسوي و ارد اغير الموضوع
وكل ما تكلمنا عن سالفة تدخله في الموضوع وتييب طاريه و انا اسوي نفسي ما اسمع و اغير الموضوع ….. وكم مرة تتم تتغزل فيه و تقول انه هو احلى عنج !!! و وسيم وووو الخ وبعدين يعني و انا اغير الموضوع تتخيلون الموضوع في كل سالفة في كل يلسة في كل مكالمة و هيه تطريه !!!!!!!!!!!!!!!!!!! حتى انها مرات تقولي(( ما بتعطيني اياه ؟؟)) وهالجملة مليون مرة قالتها لي !!! ومرات تعرفون شو تقولي مافيها شي لو عرسنا انا و انتي عليه بنعيش في بيت واحد شو هالرمسة !!!! وتروح تييب لي قصص عن ربيعات يحبن بعض عرسن على ريال واحد عسب ما يتفارقن !!!! و انا اغير الموضوع صار على الموضوع سنة و هيه نفس الحالة …؟؟؟؟؟!!!!! خواتي سرت وايد اتجنبها وتقريبا في الصيف كله ما استويت اتصلبها و لا اهي تتصل الا نادر بس الحين في الفترة الاخيرة صارت تتصل فيني من فترة لفترة و نفس الحالة تطريه و اغير الموضوع وبعدين !!! شو الحل ؟؟؟؟
نصحوني شو اسوي عسب ابتعد عنها أو اوقفها عند حدها خاصة انها معاي في كلاسات الجامعة و لزقة وراي وراي
كل ما عليج فعله هو الإستغفار ..
وان شاء الله ربي يهديها 
يمدحونه الطاف هالايااام
ناااس فااضيه حسوده مالقتالا ريلج تتغزل به استغفر الله العظيم ماعليج منهاااا طبيهااا البناتتارساات الدنيا الغاليه
الححذر ثمالحذر منهالصنف ابتعدي عنهاااواتجنبيها بكل الطرق
ربي يوفقج الغلااا
وش رايك بعد تخطبيها له بعد يصير عنده حرمتين مو احسن
عشان تنكدون عليه كل شوي اخخخخخخخ ا مزح حبوبه
بس قولي لها ازجريها ترى كذا ماهو طيب وش عليها احلى منك او انتي احلى ايش دخلها صدق ماعندها سالفه
وقفيها عند حدها وليش تخليها تشوف الصور
وربي لو انا مكانك كان وريتها شغلها
تجاهليها ولا تريد على مكالماتها بالتدريج
حاولي ماتتكلمين معاها عن أمورج الشخصية وحددي علاقتج بها في اطار الدراسة وبس
شوي شوي بتبدا تبتعد عنج ودور لها على شخصية ثانية تستغلها
الأمور العاطفية الغالية احتفظي فيها لنفسج
ولا تنسين قول الرسول اللهم صلي وسلم عليه:
أسروا الخطبة واعلنوا النكاح
والله يوفجج ويستر عليج
شو قلة الأدب هاي ألي وصلوا لها البنات
استغفر الله العظيم
انتي يا اختي صارحيها وقولي لها كل ألأي في قلبج
وخلي بالج على خطيبج ولا تنسين
ان كيدهن عظيم
واقطعي صلتج أبها نهائيا
ولو تغيرين رقمج يكون وايد أحسن
وتغيرين كلاسج بعد واذا ما تقدرين وصي البنات ألي في الكلاس ما يعطونها الرقم
او تخلين رقمج ها حق اربيعاتج او الجامعه لين ما تخلصين وعقب تفرين
ويكون عندج رقم ثاني حق خطيبج وأهلج عشان تفتكين منها نهائي
والله يسعدج ان شاء الله ويهينج وكتب لج الخير وين ما كان