السلام عليكم ورحمة الله وبركاته
هنا مشكله قد بعثتها احدى الاخوات راجية من الله العلي القدير ومن ثم منكن الحل الامثل لكي تتخطي
هذه المشكله ويمشي بها المركب الى بر الامان…
وتذكري ياغاليه…
ان مهما كانت المشكله يجب ان نراعي الله في الرد ونبتعد قدر الامكان عن التجريح والاهانه
فلولا عدم حاجة اختنا لحل لهذه المشكله لما كلفت نفسها ووضعت رسالتها…
راجيه منكن يا احبه..
ان تكون الردود بعقلانيه اكثر وحلول انسب
دون الخروج عن اللب الحقيقي للمشكله…
بارك الله فيكن ونفع بكن
تقول صاحبة الرساله
اختي المشكله ما تخصني تخص وحده ربيعتي هي تداوم
وللاسف مرت بعلاقه مع واحد في الدوام
وانتهت بسرعه لكن لازالت تلتقي معه في الدوام
وتحس بالندم والاحراج لانهاغلطت هالغلطه وفي نفس الوقت تراودها
افكار انه طبعا مخبر كل الشباب اللي في الدوام عنها
وعندها احباط من هالموضوع وهي في موقف لا تحسد عليه
صراحه وصعب انها تغير دوامها
شو تنصحونها ؟؟
وتوثق بعمرها لانه طول مابتذكر السالفة بتتعب
الله بينسيها مع الايام
خلها تستغفر ربها دوم … الاستغفار يزيل الهموم … و خلها تكون رسمية مع الرياييل الحرمة ما تاخذ و تعطي وياهم ..
هوني على نفسج فانتي بنت طيبة و بني ادم خطاء الله يسامح ما عليج من الناس مايهمونج … بس تحملي على عمرج
و اللي صار درس تعلمته و هالغلطة عمرها ما بتعديها ان شاء الله (:
مافي حل غير أنها اتطنش .. وتكون رسمية فالتعامل معاهم ..
عشان اتوضح انها مجرد غلطه .. وهي مب من هالنووع ..
ومع الايام بتنسى .. والسالفة بتنسى .. بس يبالها وقت ..
والله يستر عـ الجمييع ..