بنات انا مب عارفة كيف اوصف او اتكلم عن مشكلتي بس بحاول اختص فيها قد ما اقدر
انا عمري 22 متزوجه والحمدالله
مشكلتي هي اني مسرفه لابعد الحدووود حتى لو ما عندي فلوس اسحب من البنك " طبعا من حساب دراستي " وهذا الشئ سببلي ازمه كبيره لانه المبلغ اللي مخصصتنه لدراستي قام يخف بطريقه مب طبيعيه ما اعرف شو هذا اللي فيني يمكن لاني عشت في بيت محرومه وما عشت مثل كل البنات اللي في سني … اللي تلبس وتتكشخ واللي تاخذ شنطه ماركه او تسافر بره . رغم هذا كنت احسن اني بخير وانه ربي بيعوضني ..وبعد ما تزوجت قمت اصرف بالهبل واخذ كل شئ في خاطري ورغم هذا احس اني ما خذت شئ واتم اتنازع مع ريلي انه هو مقصر ومايعطيني بيزات يعني بالمختصر استويت ما ارضى بشئ اريد اكشخ اريد البس ماركات بس افكر في اخريتي اقول ما اريد اي شي بس اريد الجنه وبعد فتره ارجع حق النقص والحرمان …….انا تعبانه احس اني تايه مب عارفه كيف امشي امووري ..بليييز بنات ما اريد حد يجرحني بكلمه او يعق تعليق بايخ
خواااااااااااتي اريد نصيحه امشي عليها اريد اغير من ذاتي
""
(واَت ذا القربى حقه والمسكين وابن السبيل ولا تبذر تبذيرا (26) إن المبذرين كانوا إخوان الشياطين وكان الشيطان لربه كفور) (27) ) صدق الله العظيم …..سورة الاسراء
بس احيانا اضغط على عمري واخصص مصروف واقول هذا حق هالشهر ما بزيد عليه درهم
مره على مره بتتعودين ،،
ونحن وايد نسرف وننسى انه المسرفين اخوان الشياطين وربنا بيحاسبنا على مالنا ف شو صرفنا وبيي يوم الله بيحرمنا من هالنعمه عشان جيه لا زم نحافظ عليها
اختي دايما حاولي تبتعدين عن مجالس ( الفشخرة ) لانه والله ما من وراها غير عوار الراس
والله يهدينا يارب
لأن ما عندي حل لمشكلتج والله يهديج
الطريقة الاولى خليه حلقة باذنج ( ان المبذرين كانوا احوان الشياطين) شوفي التشبيه البيلغ و الي صدق يخلي الوافد يفكر ……..
ثاني شيء سوي لج حدول مصاريف شهري …يعني كل شهر تسحبين مبلغ و قدره معين …و تقسمينه على كذا بند ..و تلتزمين فيه …يعني مثل : المبلغ الي سحبتيه تقريبا 2024
تخصصين بند حق المصروفات اليومية و قدره مثلا 200 بند حق السيارة(اذا عندج سيارة) 300 درهم بند حق الكشخة 1000 و الباقي بند الطوارئ ….
و بند الباقي من نهاية الشهر ( يعني كالحصالة تخلينها حق الشهر الي عقبه)
و تسوين لج بند العقاب- شو هذا بعد ….
هذا البند هو نوع كتذكير انج صرفتي فوق الميزانية الي خططت لها في الشهر ..يعني اذا صرفتي زيادة عن المحدد تحطيني نص قيمة الي صرفتيه في هالبند – عسب ما اثقل عليج و ابد بد ما تستخدميه و صدقيني هالفلوس يوم من الايام بتزيد و بتستفيدين منها …
و خلي لج بند الصدقات مب لازم عليج بس حلو من فترة لفترة الواحد يتصدق يعني مثلا حسيتي ان ايدج تحكج تشترين شيء بالسعر الفلاني و انتي عارفة انج مب محتاجة لح ادفي ربع او نص ثمنه صدقة و اعي ربج باي دعاء ..
و الطريقة الاخيرة — اذا الطرق ابد ما نفعت معاج …زي ما يقولون – اخر المطاف و انا و من مع الطوفان — يا لوهي وصلت للطوفان بعد — بعيد الشر عنا و عنكم خخخ 
اعطي كرت البنك للوالد و الوالدة و خذي المصروف منهم او من ريلج 
– رجعنا لايام الطفولة خخخخخ
و الله يوفقج و يوفق الجميع..
و السموحة على الاطالة
حبوبتي .. احسن شي .. انج تسوين لج .. ميزانية للمصاريف ..
وتحددن شكثر تصرفين ع اللبس و الاكل …..الخ …
ولو تخلين جزء لو بسيط للصدقه عشان ربي ييبارك لج ..
واحمدي ربج على الي عندج ..شكثر بنات محرومات .. ويبون لو جزء صغير من الي عندج ..
واهم شي.. النية .. تنوين نيه خالصه انج تقللين صرف ..
وربي يعييينج ..