السلام عليكم ورحمة الله وبركـاته..
احبتـــي… وضع بريد المشكلات من اجلكم…
منكـم ولـكم…
والهدف الحقيقي من فتحه هو مد يد العون لبعضنا البعض
والمساهمه في الاقتراحات الفعاله والاراء البناءة…
ولكي نحقق معـاً اروع النتائج.. لابد من الوقوف على اهم النقاط
اولها : نحاول ان يكون الرد ايجابي يبني لا يهدم
ثانيها : تتفاوت درجات المشكلات ولكن يجب ان نعلم ان لم تكن المشكله مهمة لدى البعض
فهي مهمة لصاحبتهـا
السلام عليكم ورحمة الله وبركاته
اختي الغاليه ام حمد بطرح مشكلتي بين ايدكم واتمنى تطرحونها في المنتدى حتى
احصل بعض الحلول من عند خواتي والله ياخواتي اني تعبت والمرض هد حيلي من
اللي اشوفه من هم ونكد مستمر
خواتي انا زوجه وام عيال وانا هب صغيره بالعمر يعني عندي عيال كبار والحمدلله
عمري تجاوز 45 وزوجي 50 متزوجه من 28 سنه صبرت وتحملت زوجي ومشاكله اللي ماتخلص
اول ماتزوجت تم يمد ايده عليه ع اقل الاسباب وكنت اخبر اهلي ولاكن كانو يرجعوني له عن
تكبر المشكله وطلق وطبعا مايحبوب بنتهم تطلق ويرجعوني لبيت زوجي
المشاكل معاه ماتخلص ابدا سهر لين الفجر همه الاول والاخير ربعه وانا وعيالي في المرتبه الاخيره
اول ماتزوجته كان يطلعنا وان مرضنا يودينا المستشفى بس ع طول الطريج يختلق المشاكل
انا اول كنت ارد عليه كلمه بكلمه وتكبر المشاكل بس بعدين تميت احقره وطنش
وهو يتحرطم روحه لين اخلص من المستشفى او السوق
ورجع وانا ولا كلمه انطق حتى اجنب المشاكل معاه
مرت السنين ونحن حالنا كله مشاكل تحملت ع شاان عياالي
وصبرت وكبرو العياال والحمدلله حد تزوج وحد بعده
المهم عشنا حيااتنا عاديه مجرد اسم زوجين ع ورق
حتى الحقوق الزوجيه كرهت اللبيها له مجرد اسم زوجه انا هب مقصره معاه لافي اكل ولاشرب ولالبس كل شي اسويه له بس المبيت
ماقدر اضغط ع نفسي ونام مع واحد ماتقبله من معاملته السيئه لي ولعيالي
والآية الكريمة تقول ( وخلقنا لكم من أنفسكم أزواجا لتسكنوا اليها وجعلنا بينكم مودّة و رحمة …
ونحن الموده ورحمه ماشي بينا حاولت اضغط ع نفسي وجامله ولاكن ماشي فايده القلب تسكر والحيااه صارت عااديه بينا
المهم مشكلتي يااخواتي الحين زوجي عااشق السفر كل اسبوع يروح بلاد
مايكلف نفسه ويقول يام فلان انا بسير شي في خاطرج ولاشي محتاجه اتفاجئ فيه شال شنطته وطالع من الباب
لايقول محتاجين اغراض للبيت ولاشي يطلع بدون سابق انذار
ياريت يطلع ويخلي مصروف للبيت يطلع ونحن وحضنا شي عندنا مصروف ولاماشي
حتى راتبه يسحبه ويسافر فيه حاولت ارده عن السفر بنصيحه وعاقبه سفره انه
بيخسرني انا وعيالي ولاكن ماشي فايده عمري مادخلت حد في حيااتي ولاكن هذي
المره قلت بكلم اهله عسى يقدرون يغيرون من طبعه كلمت اهله ولاكن ماشي فايده
قالو له بتخسر بيتك وعيالك ع شاان السفرات اللي ماوراها فايده
قال بسافر والاعليه من حد كلمت اخويه وقال ماشي بايده بس بعد
مايرجع من السفر بيتصرف معاه
حياته صارت ربع وسفرات ونحن مالنا اي اهميه
تخيلو ياخواتي انا خذت الجواز عنه وقلت يا السفر ياانا قال ييبي الجواز واللي تبغينه بيصير قلت
له عطني ورقتي وطلقني قال بعد مارجع وخذ الجواز وطلع قلت بعد ماقلت له طلقني اكيد بيغير
رايه لاني عمري مانطقتها ولاقلتها له قلت يمكن يغير رايه
طلعت الصبح وقول للعيال وين سيارة ابوكم قالو سافر ويسلم عليج
تخيلو هالموقف انتي مخيرتنه بينج وبين السفر ويسافر بدون مايتسامح منج
الحين هو مسافر وانا مصممه ع الطلاق تعبت نفسيا
والله اني تعبانه شوفو ياخواتي وحكمو انا وبناتي نطلع لسوق ولا انييب غرض ونتاخر عن البيت
ولايكلف نفسه يتصل يسال وينج ياام فلان
عمره مارفع سماعة التيلفون وقال وينكم احاتيكم
عمره ماقال بوديج السوق محتاجه شي خاصه يوم كبرو العيال اعتمد عليهم في كل شي
وتم مايسال عن البيت ولا عن العيال بس يعطي مصروف ولايقول شوو تحتاجون
قلت له كم مره الفلوس هب كل شي الحرمه تحتاج رياال يسال عنها ويلبي طلباتها
ولاكن ماشي فايده تخيلو عمره ماسار مدرسه يسال عن عياله
عياله مايعرف اي مرحله ولابناته اي جامعه ولا اي مكان يشتغلون
انا صرت الام والابو المسؤوليه كثرت ع راسي تعبت وهدني المرض
وهو ولاداري عني قررت اطلق ورتاح لاني عايشه مع رياال اسم ع ورق
لامعاشره ولامعامله كل زوجه تتمنى حيااه هادئه وكل ماتكبر تبغي الاستقرار وانا
حالي معاه كل ماايكبر يستوي اردى
قررت اطلق ورتاح وانا مقرره ماطلع من البيت اذا عاجبنه يتم معانا واذا هب عاجبنه مع الف سلامه
اما اني اطلع من بيتي وخلي عيالي مستحيل
يااخواتي لو عندكم حل دلوني عليه
للعلم اللي بتقول ليش ماعطيه حقوقه هو من النوع اللي مايهتم بنظافته الشخصيه
مثلا بيي ينام وهو عرقان وريحه اعوذ بالله منها
عاادي مايحلق شهور عاادي مايبدل ملابسه كم يووم
من جيه كرهت النوم معاه حاولت بكل الطرق يتنظف يقولي انا انظف عنج
احتى اقوله لو تحب تنام معاي تنظف يقول مابا شي منج
ويطلع للعلم هو ينام في غرفه مستقله عن غرفتي وهذا حالنا من 6 سنين
تعبت ماعرفت شوو الحل اتخيل مشكلتي عويصه ولا لها حل من جيه قررت اطلق حتى ارتاح من الهم
ابغيكن كل وحده تقول الحل وتتخيل نفسها مكاني
والله لايبليكن ياارب بحد جيه
مابغي لوم لاني تعبانه نفسيا ولاتقولون كبرتو ع هاسوالف انا قلت لكم اللي يكبر يبغي الاستقرار هب الهم ويبغي حد يساعده ع تربية العيال بس اللي عندي غاسل ايده وعاايش حيااته
واللي بتقول كلمه طيبه يزاها الله خير
ويعوضونج عيالج عنه
ان شاء الله البنات بيفيدنج
بس الطلاق مب حل , إذا تطلقتي منو بيصرف عليج ؟؟
على الاقل الحين اعيالج يشوفون ابوهم بس لو تطلقتي وهوو طلع من البيت ما راح يشوفونه ابد