من ريلها ماله خص بالرومانسيه

هلا خواتي شو اخباركم ان شاالله كلكن بخير

مشكلتي قديمه بس كنت مستحمله والله لكن الحين زهقت ولاعت جبدي

زوجي من تزوجته وهوانسان جامد بطريقه فضيعه لدرجة تحسس الناس ان زعلان او فيه شي
حاولت اني اغير هذا الشي فيه ولو بشي بسيط 10% على الاقل بس بس مانجحت كانت المبدرات دايما مني اشتري له هدايا وغلفهم تغليف حلووحطهم على السرير وانتظره يدخل الغرفه وياخذ الهدايا يحطهم على الارض وينام ولين فتحهم يقول ليش كل هل التغليف خسارة فلوس مافي شكرا وحتى لو حاولت اسويله جو رومانسي شموع وحركات يقولي شو هذا تبين تحرقينا ولا ليش ظلام جي ولعي الليتات يعني في كل مره يصدمني صدمه امبر من الثانيه او حنيت عليه عشان نطلع طلعه حلوه دايما يتعذر واذا الله كتب وطلعنا نروح مطعم هو يحبه وطول الوقت يرمس في التلفون او يدور اي يقراه في المطعم ناكل بسرعة البرق ونرجع البيت وحتى لو حاولت اتغشمر وياه ولا اضخك وياه مايعطيني ويه قولي اشفيج ينيتي مع ان زوجي مو كبير يوم نتزوج كان عمره24 ولحين عمره 44 والقهر انه مرح برع مع ربعه وكله يسافر بس معانا مايحب يسافر
تخيلوا 20 سنه من الجمود القاتل تخيلوا اني قلت له في ويهه انت جامد والحرمه تحتاج حنان وشوية دلع بين فتره او فتره
وانا احس اني مو مرتاحه جي ارجوك خذ بالك مني اشوي انا انسانه عندي اخاسيس ومشاعر يقولي انتي ياهل عشان تحتاجين حنان وبعدين شو تبين اكثر ماكله شاربه راقده كل شي عندج صحيح كل شي عندي بس للاسف زوجي مو عندي هاذي قصتي بالمختصر لان لو بكتب كل اللي في خاطري مافي مكان يكفي

شووووووو خواتي مسكينه انا ولا لاء ؟

الحمدالله على كل حال والله يصبرني

وشوفي منوه يكسب