بنات بسألكم عن مواقع التواصل الاجتماعي مثل الفيس بوك وتويتر وغيره……….. وطبعا عدوي اللدود البلاك بيري وغيره…………
من وجهة نظري انهم آفة على المجتمع ككل يعني يفتح وايد ابواب طبعا ابواب الشيطان من محادثات بين شباب وبنات واحيانا حريم متزوجات وريايل متزوجين وشوفو عاد المسخرة اللي تعجب بصورة فلان وتعلق عليها والعكس لا واللي يغايظني انه واحد منهم ياخذ صورة من البوم صور الثاني ويحطها في البومة طيب ليش وعلى اي اساس؟؟؟؟؟؟ وصدق صدق تصير اشيا وايدة مسخرة مسخرة والكل مستهتر فيها ومتساخفها (بس اللي بغيت اعرفه هالاحاديث محرمة ام محللة بين رجل غريب وامراة غريبة او بنت وشب) طبعا لا تنسون الشات اللي مفتوح 24 ساعة
الحين الطامة الكبرى البلاك بيري الله ياخذه ما حبه ولا اقتنعت فيه يوم من الايام لاني احسه مشروع دمار لبيوت الناس وعقول الشباب والبنات وغيرهم يعني يا ربي وين ما سرت اشوف الناس ميودين البي بي على قولتهم (يدلعونه)احليلهم ويالسين في كل مكان حتى اني سمعت عن ناس تدخله معاها الحمام وانتو بكرامة (ما يقدرون يستغنون عن شيطانهم موووول)للاسف
بنات ابي تفاعلكم وتجاربكم
ملاحظة انا ما اقول الغلط في هالتطبيقات والبرامج الغلط فينا احنا البشر كل شي لازم نستخدمه في اشياء غلط وعلى فكرة شفت هالخبر على التلفزيون انه بعض الدول الاوربية بتحظر مواقع التواصل الاجتماعي وتلغيها
بالتـــــــوفيق حـــــبوبة ^_^
:: للرفع :::: للرفع :::: للرفع ::
^
^
^
وتعرفت على بنات في مركز القران وصرت اكلمهم عن طريق الماسنجر و facebook chat وهذا الكلام من زمان يعني اسالهم عن الاخبار وعن المركز كيف بس
وبخصوص التويتر twitter مااعرف شو قصته انا عندي حساب عليه بس ماستفدت منه اشتخدمه في بعض المواقع عشان يطلبون التسجيل بستخدامه مرات او الفيس بوك او تسوين حساب عندهم فانا اختار شي سهل علي
بس المشاهير واهل الاختصاص والشركات يستخدمونه عشان يتواصلون مع الناس وياخدون ارائهم وفي ناس يحطون رسايل عليه تخص فكرهم ويتواصلون مع الاصدقاء والاهل عن بعد بس ماله داعي احس
هذه تجربتي مع الموضوع
ولكن هاي الاشياء تخص كل واحد وفكرة بس الراقبة مفروض تكون من خلال الاهل و الدولة
العيب في الناس المتخلفه الي تستخدم هالرابج غلط مثل (المغازل )
بس في ناس تستخدمه بحدود وللفايده
يعني في ناس جي وفي ناس جي
والبلاك بيري عن نفسي والله ما اعرف اذا هو زين او لا كل اربيعاتي يسألوني عندج ابلاك بيري اقولهم لا يقولون
لي ليش اشتري وايد حلو ووووو ،، والله اني متردده بس هو سمعت للتواصل حلو بين الاهل الصديقات كل تقنية ايديده
فيه سلبيات واجابيات .. وتسلمين عالطرح
اضيف الناس اللي بتفيدني
واستفيد من تجاربهم
أمثال جاسم المطوع والثويني وصلاح الراشد ،،
سبحان الله وبحمده ،، سبحان الله العظيم