================
انا متزوجه ولله الحمد وعندي عيال الله يبارك لي فيهم وفي ابوهم.. الحمدلله اسعى اني اربي عيالي على الدين ولا افكر فالتطور والانفتااح والاختلاط الى فالهزم … واتمنى من الله يحقق لي امنيتي واشووف عيالي ..ملتزمين بالدين وووبعد بعاداتنا وتقاليدناا…
المهم والمووضووع الى ابدي ادخل فيه بنات اليوم شو سبب تغير بنات الامارات وتغير سرريع بعد
المتزوجه ماتقدر تطلع مع ريلها ولا اخوها الا ونظرات البنات فالريال حتى الريال والله انه مب قادر يرفع عينه فى بنت وهن عيونهن اللهم ياكافي على بالها النظرات بتجذبه لاوالله الا بيحس بوقاحتها وقوات عينهااا..وشي لفت نظري ..البنات كاشخات ولابسات ع الاخر.. الترتيب بالمظهر مطلوب بسس المبالغه فيه تجيب ردت فعل عكسيه… لو تلاحظن فالغرب الى هم قمه بالاناقه والترتيب بتلاقينهم مب مبالغين بالبس ولا بالمكب الحين المكب عرفناه للسهرات والاعراس بس ليش كل هالتبرج فالاسواق؟
؟ انا عن نفسي احزن على حال بناتنا المسلمات ماخلن شي فاللبس والكلام والضحك .. والله احس ان بنات زمان غير والله نستحي نرمس فالسوق بصوت عالي الحين تلاقي البنت تسولف مع الهندي والسوري الي يبيعون وعادي تقوله هات رقمك؟؟ شوو صار فالزمن؟؟
وااايد الكلام بس بنتظر كلامكن .. وهل كل وحده منكن ترضى ان بنتهاا تكون ميكب وبنطلون وقصه ضاهره نتفه منها ؟؟؟
ا
الحمدلله ما عمري فكرت اطالع ريال مع مرته و لا حتى شاب مب متزوج
و فعلاً الكل ملاحظ انه بعض البنات يتصيدن الرياييل المتزوجين
تصدقون مره كنت اطالع برنامج للدكتور الثويني في الكويت و قال قصة واحد
كان يدرس في امريكا و ياب صديقه الامريكي معاه للخليج و سارو المسا احد المولات يتعشون و يتشمون
تخيلو شو قال الامريكي عن بنات الخليج؟؟؟؟
كل هاذيل بنات لييييييييل؟؟؟؟؟؟؟؟
عصب عليه الريال قاله ليش تقول عن بناتنا بنات ليل؟؟؟
رد عليه الامريكي لبسهم ايبين هالشي و الميك اب الصارخ و العطر اشمه على بعد ميل
و الشعر الملون
نحنا عدنا بنات الليل الي يسون جيه
الله يهدينا و يهدي بنات المسلمين اجمعين
القصه الى قلتيهاا تزعل كل اماراتيه سواء متزوجه او بنت وتقهررررررر
وياليت البنات ينتبهوون والله يهدينا ويهديهم … بارك الله فيج وربي يستر عليج دنياا واخره
الله يثبتنا على هدايته
وضع محزن الصرااااحه
اللي يقهرنــــــــي انهم يكونون مع اهاليهم .. كيف امخلينهم جيـــــــه
ووين الديــــــن وين الخوف من رب العالميـــــن
من القهر ما اقدر اقول زياده
ولو فيهم ذرة احساس او خوف من رب العالمين لو ما سو جي
وكل هذا انا ارده للاهل نعم للاهل
لانه اعتقد ما شي ام او اب يرضى بنته تطلع متبرجه وبهالحال الا اذا كانو والعياذ بالله اخلاقهم منحطه
يعني المفروض بنت العرب والناس ما تسوي جي
واذا كانو الاهل واعيين وموب غافلين عن بناتهم المفروض تكون مراقبة شو البنت تلبس ووين طللعه وويا منو واااااااايد مهم انه الام تراقب بنتها في اللبس
وهذا كله يرجع للتربية والاهل
والله يصلح حال بناتنا
والله اني اموت من القهر يوم اشوفهم في المولات والاسواق
الله يهدينا ويهديهم يا رب