ميدكير ولا القرهود ولا مستشفى الجامعة فالشارجة؟

خواتي انا محتاره بين المستشفيات الخاصة والحكومية للولادة ماعرف وين اتابع
شو رايكم في مستشفى القرهود عند د. عبير الجرجاوي؟
ولا مستشفى ميدكير عند د. عزة؟
ولا مستشفى الجامعة فالشارجة؟
انا خايفه من الخاصة لأن قالولي ما يعرفون يتصرفون اذا اتعسرت الولادة ويطرشونج الحكومة ><
بس نفس الوقت ابغي خدمة احسن وتعامل راقي وغرف واسعه
و يا ليت حد يفيدنا عن أسعار الولادة الطبيعية في القرهود وميدكير والمستشفى الكندي والأمريكي

ولا رد ساعدوني محتاره

القرهود بلامنازع بس انا د حنان

الامريكي والقرهود الحين اتابع عندهم عقب الولاده بنفيدج اكثر اذا الله راد بس الامريكي معروف ماعليه كلام وعن الاسعار ماعندي فكره

القرهود انا اتابع عندهم حاليا مستشفى راقي و نظيف و غرفهم شرحه

سعر الليله:
الغرف العاديه ب 1050 درهم للليه عباره عن غرفه وسيعه مع حمام
الفي اي بي عندهم نوعين نوع ب 4000 و نوع ب 6000
جونيور سويت ب 6000
الرويال ب 8000

الولادة الطبيعيه + اقامة لمدة يومين في غرفة عاديه ب 9350 درهم + العنايه بالطفل حديث الولاده ليومين ب 1650 درهم

القيصري ب 22 الف و قالولي توصل ل 27 الف درهم مع العنايه بالطفل حديث الولاده

لو عندج تامين يغطي جزء من المبالغ بترتاحين

و الدكتوره عبير روعه انا اتابع عندها في ولاداتي السابقه و الحين بعد الله يسهل علينا

انصحك بالحكومي افضل وان شاء الله البنات يفيدوك اكثر

القرهود طبعا عند دكتورة عبير الجرجاوي
ميدكير مستوين خرى وزحمه امسات سرت عندهم بطني (حامل)ايعورني نزلولي دكتورة وغده ولا سوتلي تلفزون ولا عرفت شو فيني
ؤرديت سرت عند دكتورة عبير وشرحتي موضوع الويع والحكومي لطيفه حدث ولا حرج من الاهمال والغباء كلهم يداد لان اغلبية الدكاترة طلعوا واستقالوا من عندهم