هلا و مرحبا بالغاليااات ..
خلووووني ادخل بالموضوع على طول ….
انا حامل و هذا اول حمل لي و انا حاليا في نهاية السادس يعني بعد اسبوع بدخل السابع
و بصراحه واااااااااااااااااايد محتاره ما اعرف وين أربي(للعلم انا ف بوظبي) …
حالياً أراجع بالكورنيش بس بصراحه زهقت من مواعيدهم لازم انتضر قبل الموعد 3 ساعات عشان ادخل ع الدكتوره 5 دقايق تسمع دقات البيبي و تعطيني الموعد الياي….. و انا أصلا مش من بوظبي يعني ما اعرف شو احسن مستشفى و وين احسن مكان أربي فيه ….
محتاره لدرجه اني بديت احط سلبيات و إيجابيات لكل مستشفى بس بعدي خايفه و اللي مخوفني أكثر ان هذا اول ولاده لي …
ساعدوني … كل وحده تقول لي تجربتها و وين احسن مستشفى ف بوظبي ؟
لانه هالسالفه مسويتلي رعب دوم أفكر و أحاتي 
أتريا ردودكم …
واسمحولي ….
ان شاء الله بنات بوظبي يفيدووونج
بس سمعت يمدحووون مستشفى الرحبة
بس سمعت يمدحووون مستشفى الرحبة
تبين الصدق … نصيحة لكل وحدة حامل … لا تربي في الكورنيش … بقولكم قصتي الاليمة والي خوفتني اني ماحمل الا عقب سنتين ونص .. واتصدقون يوم حملت بحملي الثاني تميت 5 شهور في حاله مايعرف بها الا ربي وريلي وهلي ….
السالفه ومافيها …
كنت حامل باول حملي … والحمدلله كنت اراجع الكورنيش … وكل شي تمام وكل مرة اسير يقولون لي ماشالله كل شي اوكي .. وكل شي تمام …
وفجاة دخلت ال9 بداية ال9 … وحدة دكتورة الله لا يسامحها لا دنيا ولا اخره …. ادعي عليها من قلبي …
رمسة امي بجفاف وقالت لها بنتج فيها سكري حمل … وظغط ولازم تاريخ 16-9 عمليه … وانا وحليلي ماعرف شي وامي تمت اتصيح … اتقولهم كيف …. عقب رحت مستشفى النور قالولي كل شي فيج اوكي … جان اودي التقرير للدكتورة السودانيه …. قالت يمكن في خطا طبي ….
المهم تمت تقنع امي ان اونة ما بنسويلها عمليه … خلاص يمكن اتربي طبيعي …
المهم والله رقدوني من يوم 16-9 واتخيلو والله والله والله جفت الموت بعيوني … كل يوم دكتورة اتيي واتحط لي تحميله للطلق الصناعي وانا اصييييييييييييييييييح واصااااااااااااااااااااارخ من قمة راسي … اتخيلو دكتورة متينة ولا ظعيفه … يعني ايدهم… الكف كامل كانو يدخلونه فيني … وامي وحليلها ماتعرف … انا اول وحدة اربي عندها …
والله ماقص عليكم غرفة مشتركة … والحرمة الي عدالي ريلها عدالها وانا اصارخ … اقولهم خلو يطلع برع اتقول هذا مش من حقنا انظهر الريال …. وانا اصارخ وحالتي لله وهو مايظهر الا يوم يجوف ريلي موجود …. اونة عاد هو يستحي ….
تميت 6 ايام وانا اموت بين ايدينهم ولا عبالهم واتخيلو … يوم اقولهم ابا الدكتورة انا تعبانه … بكل برود يردون علي … اونة الدكتورة ماتيي هالوقت الا ساعه 8 الصبح …. اتخيلو الوقاحه لاي درجة وصلت …
عقبها خلاص عقب ما مت … قالوا حق امي عمليه … امي قالت انتو ذبحتوها … ليش جي سويتو بها حرام …
والله اني ماقص عليكم دكتورة وممرضتين … والدكتور الي بيعطيني البنج … والله اني اتالم وهم ولا عبالهم والله انهم يسولفون ويظحكون واللله والله ماقص عليكم ….
المهم سويت العملية طبعا كل شي هان علي يوم جفت بنوتي ربي يحفظها …
وعقب والله هندي مال التنظيف والله مابالغ واللللللللله …هوالي ياب لي مثل الطاش الاستيل عسب ازاوع فيه مال البنج …. وريالين ويا ممرضتين شلوني من السرير لين السرير الثاني …. وانا ماعرف اذا كنت مغطاية ولا لا … والله وماشي اغلى من الله …
عقب يوم قلت لريلي واهلي … قالو نحن ماجفنا ان رياييل دخلو … قلت لهم والله في نفس غرفة العمليات .. باب ثاني مكتوب للموظفين فقط … عقب ريلي واخوي راحو واتاكدو وطلع كلامي صح … واشتكوا عليهم … اونة بنعطيكم تعويض مادي …. اي تعويض واي فلوس … اوكي ليش هالمعامله … كرمكم الله الحيوان اذا بتين تذبحينة قلبج يعورج فمابالكم الانسان …
وعقب يوم بظهر … تعالي استلمي شهادة الميلاد … حزتها كان عمري 22 و ريلي 25 .. كاتبين … انا عمري 32 وريلي 36 … اتخيلو .. واني والدة طبيعي …. وبنتي هاي ال 6 … …
يعني اهمال في اهمال …
الحمدلله حاليا اراجع في الرحبة … صح انهم يمللون وياخرون بس بصراحه الحمدلله مرتاحة فيها وايد …. والسموحة ع الاطاله …
السالفه ومافيها …
كنت حامل باول حملي … والحمدلله كنت اراجع الكورنيش … وكل شي تمام وكل مرة اسير يقولون لي ماشالله كل شي اوكي .. وكل شي تمام …
وفجاة دخلت ال9 بداية ال9 … وحدة دكتورة الله لا يسامحها لا دنيا ولا اخره …. ادعي عليها من قلبي …
رمسة امي بجفاف وقالت لها بنتج فيها سكري حمل … وظغط ولازم تاريخ 16-9 عمليه … وانا وحليلي ماعرف شي وامي تمت اتصيح … اتقولهم كيف …. عقب رحت مستشفى النور قالولي كل شي فيج اوكي … جان اودي التقرير للدكتورة السودانيه …. قالت يمكن في خطا طبي ….
المهم تمت تقنع امي ان اونة ما بنسويلها عمليه … خلاص يمكن اتربي طبيعي …
المهم والله رقدوني من يوم 16-9 واتخيلو والله والله والله جفت الموت بعيوني … كل يوم دكتورة اتيي واتحط لي تحميله للطلق الصناعي وانا اصييييييييييييييييييح واصااااااااااااااااااااارخ من قمة راسي … اتخيلو دكتورة متينة ولا ظعيفه … يعني ايدهم… الكف كامل كانو يدخلونه فيني … وامي وحليلها ماتعرف … انا اول وحدة اربي عندها …
والله ماقص عليكم غرفة مشتركة … والحرمة الي عدالي ريلها عدالها وانا اصارخ … اقولهم خلو يطلع برع اتقول هذا مش من حقنا انظهر الريال …. وانا اصارخ وحالتي لله وهو مايظهر الا يوم يجوف ريلي موجود …. اونة عاد هو يستحي ….
تميت 6 ايام وانا اموت بين ايدينهم ولا عبالهم واتخيلو … يوم اقولهم ابا الدكتورة انا تعبانه … بكل برود يردون علي … اونة الدكتورة ماتيي هالوقت الا ساعه 8 الصبح …. اتخيلو الوقاحه لاي درجة وصلت …
عقبها خلاص عقب ما مت … قالوا حق امي عمليه … امي قالت انتو ذبحتوها … ليش جي سويتو بها حرام …
والله اني ماقص عليكم دكتورة وممرضتين … والدكتور الي بيعطيني البنج … والله اني اتالم وهم ولا عبالهم والله انهم يسولفون ويظحكون واللله والله ماقص عليكم ….
المهم سويت العملية طبعا كل شي هان علي يوم جفت بنوتي ربي يحفظها …
وعقب والله هندي مال التنظيف والله مابالغ واللللللللله …هوالي ياب لي مثل الطاش الاستيل عسب ازاوع فيه مال البنج …. وريالين ويا ممرضتين شلوني من السرير لين السرير الثاني …. وانا ماعرف اذا كنت مغطاية ولا لا … والله وماشي اغلى من الله …
عقب يوم قلت لريلي واهلي … قالو نحن ماجفنا ان رياييل دخلو … قلت لهم والله في نفس غرفة العمليات .. باب ثاني مكتوب للموظفين فقط … عقب ريلي واخوي راحو واتاكدو وطلع كلامي صح … واشتكوا عليهم … اونة بنعطيكم تعويض مادي …. اي تعويض واي فلوس … اوكي ليش هالمعامله … كرمكم الله الحيوان اذا بتين تذبحينة قلبج يعورج فمابالكم الانسان …
وعقب يوم بظهر … تعالي استلمي شهادة الميلاد … حزتها كان عمري 22 و ريلي 25 .. كاتبين … انا عمري 32 وريلي 36 … اتخيلو .. واني والدة طبيعي …. وبنتي هاي ال 6 … …
يعني اهمال في اهمال …
الحمدلله حاليا اراجع في الرحبة … صح انهم يمللون وياخرون بس بصراحه الحمدلله مرتاحة فيها وايد …. والسموحة ع الاطاله …
ان شاء الله بنات بوظبي يفيدووونج
بس سمعت يمدحووون مستشفى الرحبة
تسلمين حبيبتي 
سارا الحلوة > > > > الحمدلله ع سلامتج حبيبتي … معقوله لهالدرجه اهمال … ما عندهم قلب ؟؟!!! وينهم من رب العالمين …. الحمدلله انج و بنوتج بخير الحين
الله يعينك مابقى شي على ولادتك ان شاء الله والله يهون عليك يارب ويسهلها وتقومي انتي والبيبي بالسلامه … ان شاء الله البنات يفيدونك
فديتنج ؟أنا أختي وحرمة أخوي ربن فالكورنيش وكان عادي كل شي أوكي وكانوا وايد مهتمين فيهم وأنا ألحين أراجع عندهم المشكلة بس فمواعيدهم وأحس أن الكورنيش أفضل من الخاص لأن هم أكثر خبرة وعندهم كل التجهيزات لو سمح الله صار فالبيبي شي عندهم كل شي وماراح يضطرون أنهم ينقلونج من مستشفى لمستشفة لأن كل شي عندهم ..