~| نصايحكم لبنات الثانويه العامه هـاي السنه |~ =)

أعتقد إن القسم غلط ,, الأفضل يكون فـ / القسم التربوي ^_^

المهم حبوبة ,,

امممممممممممممم

أول شي آني طآلبـة في جآمعـة الإمارات بس كنت أدبي ,,

نصايحي لبنآت الثآنوية العامة :

1) الدراسة أول بأول [ الطريقة هآي أحسن بمليوون مرة عن الدراسة حزت الإمتحآن . . !

2) تسليم البحوث و التقارير قبل بداية الجد في الدراسة [ يعني أول ما تبدون المدرسة و تعرفين شو مشاريعكم خلصيها بسررعــة قبل لا تدخلون ف الجد و الإمتحآنآت ,,

3) عدم السهر .. عدم السهر .. عدم السهـر .. الغالية السهر ما منه إلا التعب ,, خلصي دراستج كلها الصبح و الظهر و جي ,, يعني من الساعة 9 بليل إنتي مخلصة ,, ليش ؟ عسب تكسبين الوقت و تنآمين براحه و تركزين عدل ..

4) التمسك بالصلاة و العبآدآت و الدعـــــــــآء ..

5) لا تخآفون و تفكرون ف النسبة وآآآيد الحيآه حلوة و عيشو كل يوم بيومه و إستمتعوا بالمدرسة لأنها آخر سنة
بس بحدود .. و ربي يوفقكم ..

أبي أقولج ترآ أجمل أيآم حيآتي كآنت أيآم الثآنوية العامـة .. صح كانت الأنظآر كلها علينا بس و الله كنآ نعيش حيآتنآ
و أكبر طآآآف حق هالأنظآآر ههههههههههههههه ^_^

بالتوفيق لكم جميعــآ

حبيبتي الأشياء اللي لازم تواظبين عليها هي أدعية المذاكرة واايد مهمه

مثل أدعية قبل وبعد المذاكرة – ويوم الامتحان – ودخول القاعة – وقبل ما تحلين – وعند النسيان

انا لما كنت في الثانوية طبعت ورقة فيها كل الأدعية اللي بتفيديني ولين الحين محتفظة فيها حق الجامعة

ومثل ما قلتي اتراجعين واتحضرين وتحلين واجباتج أول بأول

ولازم ما تخافين ولا تتوترين خاصه في الامتحان واذا خفتي بتترتبكين وما بتعرفين اتحلين عدل …. دشي وانتي واثقة من عمرج وقولي الامتحان سهل لانج مذاكرة عدل لان وايد يأثر على النفسية

وبعد موووول لا تهدين ولا سؤال فاضي …. انا كنت ما اخلي اي سؤال فاضي حتى لو ما اعرف والله ان ساعات تطلع اجاباتي صح

وبعد عقب ما تخلصين حل لازم اتراجعين حتى لو الامتحاان سهل …. لاني لما كنت اراجع ساعات اشوف اسأله نسيت أحلها

والشي اللي لازم ما تسويينه موليييييه الغش …. انا ما اثق في اجابات حد …. يمكن اتغشين واتكون اجابات ربيعتج غلط

وترى العلمي واااااايد أسهل من الأدبي …. انا كنت علمي وعاادي ما كنت احرم عمري من شي اطلع واستانس وكل شي … حتى احيد ايام امتحانات الفاينل طلعت مع اختي لووووووووول وماشالله نسبتي في التسعينات

والله يوفقج حبووبة أدري واايد قرقرت

هيه والله صدق ادعولنا ربي يوفجنا

آآخر سنه و خايفييين حاصه ان المدارس قربت تفتح ايدينا ع قلوبنا

وان شااء الله بنستفيد من نصايحكم ..

تسلمووووووون فديتكم وربي يعطيكم العافيه ..^^

يلاا بنااات في انتظاار نصاايح البااقييين

واشكر صااحبة الموضوووع جزيييييل الشكر

لاننا صدق محتاايين حد ينصحناا ويعطيينا خبرته

وبالتوفييق للجميييع

^^

العلمي لا صعب ولا سهل ،،
بس يباله اول بأول ،،
والفيزيا ،، شويه فيله شويه يباله تركيز واايد