هام لكل من لها أولاد بمدرسة خاصة كيف تعرفين الرسوم الحقيقية؟؟

انا اكتشفت الموضوع من صديقتي لانها تشتغل بالحكومة ويصرفون لها بدل وحتى يطلع الشيك لازم يكون معها قائمة بالرسوم المدرسية وقتها الادارة ارتبكت وقالولها بالنص (انت وذوقك المنطقة ما وافقت على زيادة الرسوم لكن انت تعرفين ان كل شيء صار غالي ) المفروض انها كانت تدفع 18 ألف فقط لكن المدرسة كانت طالبه منها 27 ألف لكن طبعا لما حست المدرسة ان المنطقة والمجلس راح يوصلهم الموضوع ما قدروا يطلبوا منها شيء

ثاني شيء المدرسة تطلب رسوم تندفع للطالب من اجل الاستمرار في حجز المقعد للعام القادم المدرسة تطلب على كيفها لكن المجلس محدد 5% من قيمة الرسوم المدرسية بما لا يزيد عن 500 درهم والله يا اخواتي بنتي بتروح روضة ثانية طالبين منها 2024 درهم انا أعرف انهم راح يخصمونها من رسوم العام القادم لكن انا مطلوب مني ادفع القسط الاخير مع رسوم حجز المقعد تخيلوا كله في وقت واحد؟؟