جميل هذا الوقت .. محبط
ارفع حجر تلقى مغنّي
اكتب شطر .. تصير شاعر
اكسب صحافة .. تصير سيّد للثقافة
جميل هذا الوقت .. محبط
اكتب بما يرضي ضميرك
تصير حاقد
اشتم بحدّه
تصير ناقد
نافق بشده
يصير مستقبلك واعد
اسرق رغيفين
تصير المجرم السارق
اسرق ملايين
تصير الماجد الحاذق
جميل هذا الوقت .. محبط
اشرب على وقت العشا
كاسة نبيذ..واسمع لشوفان
وارقص الفالز
تصير متحضر
جاهر بالمعاصي
تصير متحضر
اطلق اللحية .. ورتل القرآن
وصل الخمس .. تصير ارهابي
جميل هذا الوقت .. محبط
اجرح يهودي .. تقوم هالدنيا وتقعد
اهتك اعراض..ثكّل يتامى..شيل بيت
وامحي مسجد ..
تنام هالدنيا .. وتسكت
جميل هذا الوقت .. محبط
عيش هالعمر الوسيع
وبعد ما تحياه .. موت
عيشوا هالعمر الوسيع
وموتو جميع
الوعد يوم الوعيد
يوم تنسى الأم
الطفل الرضيع
عظيم ذاك الوقت .. منصف
————————————-
من روائع الشاعر عبد الرحمن بن مساعد
تصير حاقد
اشتم بحدّه
تصير ناقد
———–
مشكوووره على النقله والله يعطيج العافيه