هل سامعين عن هذا الموضوع

السلام عليكم ورحمة الله وبركاته

خواتي انقل لكم رسالة صديقتي المقبله على الزواج بعد شهرين فارجو عدم السخريه من سؤالها والاجابه لمن لها علم بهذا الموضوع

خواتي ربيعتي سمعت ان في بعض العوائل تمارس بعض الامور في الزوج (والله مفتشله منكم) قصدي في فض البكارة …. هم يمارسون الطريقه بان ام الزوج هي الي تفض الغشاء عن طريق صبعها عشان تتاكد ان العروس بنت او لا…

ربيعتي تقول انا خايفه ان اهل خطيبي من هاي النوعيه ومن الحين خايفه من الموضوع مب لانها مب واثقه في عفتها لكن لانها مستغربه هاي العمليه

هي فكرتها واستغرابها وفي نفس الوقت خوفها ان هم يمارسون هاي العاده وان في ليلة دخلتها بدل ما اكون في حضن زوجها اتي امه وتسوي الي هو لازم يسويه يعني هي ماتخيل ان امه هي الي تزيل الغشاء بصبعها…… وتقول انه احس بان بتصير فجوه بيني وبين خطيبي لعدة اسباب:

1- راح ابتدي افكر اني حافظت ع نفسي طول هاي السنوات عشان تكون انت اول من يلمسني…. اول من يحضني ويضمني…اول من يداعبني …الاول في كل شي تجي امك وتزيل الغشاء.

2- احس اني راح ابتدي اكرهه او اشمئز منه حتى لو اني احبه.

3- اذا انت مب واثقين فيني ومن تربيتي ليش خطبتوني لولدكم… باحس كاني داخله امتحان.

4- وازالة الغشاء هي من حق الزوج وحده ليش الام اتي وتسوي هذا الشي.. وبتدي افكر انت شو راح يكون دورك اذا امك هي الي راح تزل الغشاء.

5- اعتبر ان عميلة المعاشره بشكل عام مثل مايسمونها ممارسة الحب وبهي الطريقة احس ان الحب بيكون ابعد مايكون عن هذا التصرف فيمكن من بعدها راح اتعقد من الجنس.

(نقلا عن لسانها)

هي استفسارها

هل انت سمعتو عن هاي العاده ؟

وهل هي منتشر في الامارات ؟

وهل تسال خطيبها اذا هم يمارسون هاي العاده او لا؟

وكيف تتصرف لانها رافضه ان غير زوجها يزيل الغشاء لان تعتبر انه هذا الشي من حق زوجها بس

وتقول اذا سكت وما سالت خطيبي وف ليلة الدخله تفاجات بامه هي الي تريد تزيل الغشاء بصبعها كيف اتصرف وشو اسوي؟

اتمنى انكم تردون على استفسار ربيعتي وارجو عدم الاستهزاء او السخريه لان صدق نحن سامعين عن هاي السالفه وتصير في بعض العائلات

والسموحه

الصراحة اول مره اسمع بهالمعلوووووووووووومه !!!!

انا اللي سمعته ان الريال هو اللي يفض البكارة ولكن لازم يكون عنده دليل مثل الدم على قطعة قماش !!
وهذا يعتبر سفااااح ومجرم اذا طلع الدم من الحرمه ….

بس هالمعلومه اول مره …..!!

الله المستعان

بس مستحييييييل تخلين الام تفض البكارة … وبالاصبع بعد !!!!!!
بتمووووت من الالم …

بلا معتقدات وبلا عادات مثل هالعادات …
تصاااارح الرجل من الحين .. واصلا الام لازم ماتطلع على عورت احد …
لا حلووووه …. والله انصدمتتتتتتتتتتتتتتتتتتتتتتتتتت

لااااااااا مااعتقد ان هالخرابيط عندنا فالبلاد

لا هاي الاشيا عند فئه معينه من الناس بس مب مواطنين

المواطنين ما عندهم هاي السوالف

هلالالالالالالالالالالالالالالالالالالالالالالالا وغلالالالالالالالالالالالالالالالالالالا

سمعت مرررررررررررررررررة وحدة صديقتي تقول ان في وحدة عندهم بالدوام سمعت من هالكلام بس تقول هي مو متأكدة ولا مصدقة لان اللي سمعت منها الكلام تقووووووووووول انها من النوع اللي تحب ترمس على الفاضي والله اعلم لو هالشي صج ولا لا .

بس ما اظن في مواطنين يسووون جذي ولا وين العادات والتقاليد يعني.

سلالالالالالالالالالالالالالالالالالالالالالالالال الالالالام

حبيبتي ما عليه … بس شوفي اللي بياخذ ربيعتج من وين؟ اصله من وين؟ لأنه لو ولد البلاد فتأكدي مليون بالميه ان الشي هذا ما بيصير معاها …

احنا والحمدلله ما عندنا هالسوالف … لأنها قبل ما تكون عادات وتقاليد … فيه شي اسمه دين وشرع وحلال وحرام …

اسمحي لي بس سؤالج شوي عصب بي … ليش احنا وين؟