ما بطول عليكم… بدخل في الموضوع على طول
كنت اثق في زوجي ثقة محد يتصورها …هو ريال طيب الى هذا اليوم…لكن أحس منه أحيانا أنه غير صريح معاي… المهم انه بعد تسع سنوات اتزوج علي وحدة أجنبية مسلمة … اتزوجها وسكنها في شقة
كل الناس درو بالسالفة إلا انا وأهلي … نسيت أقول أن عمي إالي هو أبوه بعد محد خبره بالسالفة
عمي يحترمني وايد ويقدرني الله يخليه … سمعت السالفة من الناس وما صدقتهم كل الرياييل إلا ريلي !!
وصل الخبر لعمي من قرايبه وصدقم لأنهم يابو له الدليل … عمي راغ ريلي من بيته وحلف عليه انه يطلق هاي الاجنبية … ريلي تعبت نفسيته وايد بعد ما غضب ابوه عليه…خلال هاي الفترة كان عندنا في البيت ألاحظ عليه الهم والحزن وأنا ما ادري ابدا بالدنيا ولا بسالفة عمي ويا ريلي ! كل يوم أقرا عليه
كل يوم أسأله شوبلاك الدنيا ما تستاهل بالي تسويه في عمرك … المهم عقب كمن يوم سبحان الله شفت في المنام أن ريلي عاري الجسم .. اليوم الثاني خبرته بالحلم … وهني كانت اللحظة الحاسمة!!!
خبرني اني أسامحه أولا ! قال بخبرج بس لا تزعلين !!! طار عقلي لشي ثاني قلت في نفسي أكيد لا سمح الله فيه مرض خطير لانه كان قبل يوم في العيادة وهذا هو سبب همه وحزنه ؟!دمعت عيونه!!:1 (47): :1 (47): قلت خير
قال انا غلطت في حقج ماقدرتج كل ما أسأل حد يذكرج بالخير كل ما اقول سالفتي لحد يقول ظلمتها
قال قلت لنفسي الناس يذكرونها بالخير و يمدحونها وانا أقرب الناس لها ماعرفتها ؟قال أنا خذت عليج حرمة ثانية بس انا بطلقها !!!!! بس خواتي كيف إن الله سبحانه ألهمني القوة لا عيوني دمعت لا قمت أركظ حسيت اني أقوى منه في هذا الموقف اللهم لك الحمد … المهم إنه يوم سار المحكمة يطلقها والله الشاهد على كلامي إتصلت له أنه لا يطلقها رد علي عرفت انج بتتصلين و بتقولين هالكلام .
خواتي العزيزات : ريلي ما أثق فيه بس ما أحسسه بشي أحترمه أطيعه .
سمعت إن الحرمة كانت اتصيح وتدعي على بناتي …انا عن نفسي ما ألومها بس تدعي على عيالي !! يوم سافرت خذت كل أغراض البيت فوق هذا أنا خذتلها هدايا ذهب اجبر بخاطرها
وبعد سنتين ردت الحرمة البلاد وخذها مواطن ثاني على حرمته بنت خالته … ويابت منه ولدين ويمكن الحين يابت له الثالث
ملاحظة :بعد ست سنين أهلي إلى اليوم ما خبرتهم بالسالفة
السؤال : هل رب العالمين بياخذ حقها مني ومن بناتي ؟؟؟؟؟ هل أنا ظلمتها ؟؟ أبغي رايكم:1 (7):
كيف قدري تسمعين هالخبر ومن ريلج بالذات وما تاثرتي >> ما شاء الله عليج
الله يخليه لج .. ويخلي لكم عيالكم
بالعكس ما تاثمين انتي ما قلتيله طلقها هو بنفسه سار وطلقها …وهي الحمد الله شافت نصيبها وتعيش حياتها وانتي بعد عيشي حياتج واهتمي في ريلج وعيالج كثر ما تقدرين…ولا تقصرين عليهم بشي لو شو ماكان
هذا والله اعلم …( ما احس انج ظلمتيها )
والله يوفقج ان شاء الله
شوفي الغاليه ،، أنتي أصلا مب سبب الطلاق ،، و أصلا ريلج لو ماحس أنه ظلمج جان ماطلقها ،،
و الحمدلله أنه السالفه ماوصلت لأهلج ،، لاني أحس لو وصلت السالفه للأهل يمكن تكبر السالفه ،،
و الحين الغاليه أهتمي بريلج ،، و ثقــــي فيه ختيه ،، و ان شاءالله مايخوووون ثقتج مره ثانيه
و ربي يهنيج و يسعدج الغاليه و يوفقج ،،
و أهنيج الغاليه مره ثاااااااااااااااانيه على رجاحة عقلج
لكن باقي الاطراف الله اعلم عند الله تلتقي الخصوم
أولا موقفج صحيح 100% , وأنا لأني زوجة ثانية أعرف مشاعرج ومشاعرها ..
شوفي الغلا .. هي أساسا ما كان اهتمامها ريلج .. بدليل إنها حرصت تتزوج واحد من نفس الجنسية وترجع معاه البلاد .. الله أعلم بالنوايا بس أظن هي كانت تبا تعرس باماراتي وبس ما همها ريلج والا غيره ,,
الله يحفظج ويحفظ رجاحة عقلج .. والله ما يظلم عباده .. وصدقيني .. تلقينها نست السالفة من زمان وانتهى الموضوع عندها .. لا تشغلين بالج بالامور الصغيرة هذي .. اهتمي بريلج وعيالج ..
ربي يحفظج