عيـدكــن مبـارك ,, وتقبل الله طاعتاتكـن ,,
اليوم كان تجمع بنات العيـله ,, ماشاء الله وسوالف وضحك كالعاده ونوع من القرض ,,
يوم وصلت الميــلس سمعتهن يتكلمن ومتشادات
لما قعدت اسمع وحده تقول حق بنت خالتي ,,
والبنت الصايعه اهيه اللي تتزوج ..!!
بس البنت المحترمــه دايمـا الناس تقول لها الله يخليج لاهــلج ..
قلت لها استريحي انا راضيه بنصيبي اليوم ولا باجر
وبعدنـــي صغيــره ,, ما كملت الـ 26 سـنه ^_^
انضمــيتي لقــائمه اسـماء العوانسـ بالامارات ..!!
لان بنت خالي عمرها عدى ال29 يعني داشه بال30 ,,
دايـما يـعايـروني بأني عاس واني ما عدت انفع ,, وان كل البنات بتتزوج
وان اهيه خلاص بتم برووحها واهلها مش دايميـن حقها وبعدين بتم وحيـده
وبتعيش حيـاتها وحيـده لا زوج ولا ام ولا اب ,,
لان البنات اللي يالسين مب بس بنات خالتي وخالي لا بعد بنات عمي وعمتي
وحريم خواني واخوانهم ,,
واهيه تعامـلها مع الكـل جذي ,, مدري ليش !!
انا مو همي موقفي انا لاني وايد اسمع منها واطنشـها
وبالذات انها مرت في تجـربه وايد كانت اليـمه حقـها ,,
بس ولد خالي صار له حادث وتوفى وهالكلام صار له سنين ,,
ومن بعد وفاته ,, اهيه يتها تقريبا نفسـ الحاله النفسـيه
تمت تعاني منها شهور بسبب الصدمـه 
بس انا ارد واقول لها وين ومتى ما الله كاتب لج كل شيء بيصيــر ,,
بس البنت المحترمــه دايمـا الناس تقول لها الله يخليج لاهــلج ..
سامحــوني ,, بس حبيت افضفض لا اكثــر ,,
ويفرج كل همي وهم كل مسـلمه ومسـلم ..
شو هالنوعية من البشر أعوذ بالله@@
حرام غمضتني يوم طلعت و تمت اتصيح
المفروض كنتي تردين و اطلعين هالبنت و اترمسينها و تقوليلها ان هذيج صاحت بسبب كلامها
و تودينها تعتذر لها و تشوف بعيونها اللي سوته
الكلمة تهوي بصاحبها 70 خريف في قعر جهنم
في ناس يحبون يجرحون اللي حولهم عشان يحسون برضى عن الذات بسبب مرض نفسي المفروض تتعالج ودوها تتعالج برع في مصحات نفسية او خلى مطوع يقرا عليها و يفك الناس من شرها
لا طبعاً مب صحيح ..ومااعرف هذي من وين يابت القناعة بالمقولة الهبلة هذي!!
اختي الرياييل لو يلفون ويدورون على 50 بنت مردهم لبنت الناس المحترمة اللي محد
شاف طرف ثوبها على قولت امي الله يمد بعمرها.
ويمكن قصدها ان البنت الصايعة "حواطه"
تطلع يشوفونها الناس تستعرض جمالها جدام الهبل اللي شراتها من الشباب وينجبر بها واحد
ويفكر ياخذها
اما بنات الناس المحترمة لأنها محترمة فعلاً مصانة في بيتها محد يسمع لها حس
مايعرفون بمعنى اصح ان هالبيت فيه بنات يتأخر زواجها..
حبوبة:بنت خالج حساسة وما عليها شر
ولا تظن سالفتها من خطيبها هي اللي مأخرة زواجها
كله نصيب من رب العباد
بس اطلبي منها انها ما ترمس عن هالموضوع عند البنات
عسب ما تقطع نصيبها .
والله يستر على كل بنت تبا الستر قولوا امييييييييييين
بس هالانسـانه خلاص لا حياة لمن تنادي معاها ,,
يعني ع كثر ما كلمناها صار عندها تشبع
ولا كـلمه تأثر فيها ,,
اعتقد حتى الاطباء النفسيين بيعجزون عن علاجها
هالحقد والشر انزرع فيها من صغرها وكبرت معاه
ودايما تقول بتغيـر بس للاسـف
حتى الكل يتجنب قعداتها
الله يهديـها يـارب ,,
المشاركة الأصلية كتبت بواسطة اذكروا الله 
شو هالنوعية من البشر أعوذ بالله@@
حرام غمضتني يوم طلعت و تمت اتصيح
المفروض كنتي تردين و اطلعين هالبنت و اترمسينها و تقوليلها ان هذيج صاحت بسبب كلامها
و تودينها تعتذر لها و تشوف بعيونها اللي سوته
الكلمة تهوي بصاحبها 70 خريف في قعر جهنم
في ناس يحبون يجرحون اللي حولهم عشان يحسون برضى عن الذات بسبب مرض نفسي المفروض تتعالج ودوها تتعالج برع في مصحات نفسية او خلى مطوع يقرا عليها و يفك الناس من شرها
شوفي أختي هالكلام كله خربيط
الناس يدورون البنت المحتشمة و الستره بنت الناس الطيبين
يعني اللحين الشاب لما يكلم بنت ماتصير له ويكون معها علاقه بالحرام و العياذ بالله
لما يقولون له اتزوجها يرد أنا ما اتزوج صايعة
بس سبحان الله هي ارزاق ربي مقسمها
وهذي البنت اللي ماتراعي الناس سبحان الله الله يمهل و لا يهمل
عشان ايش ماتراعي احد
لكن قولي لبنت خالك ربي قادر يرزقها
بس تخلي أيمانها بالله قوي و تدعي الله يرزقها و تكثر من الاستغفار
شوفي سبحان الله نبي الله يوسف كم جلس بعيد عن ابوه وبعدين رجع بعد 40 سنة
يعني سبحان ربي قادر على كل شي
قولي لبنت خالك تسلم عليك سديم و تقولك ( إذا سجدتي قولي كل اللي بخاطرك لربي و ثقي أنه بيرزق )
ربي يسخر لها الرجال الطيب اللي يسعدها و ينسيها كل اللي عانته
ومب كل دعاء مستجاب يعني لو 10 يقولون حق وحده صايعه الله يستر عليج ووحده تقول الله يبعد شركم عنا يكون هالوحده استجاب لها والعشره لا
وحبيت اسالج اللي قالت هالكلام معرسه ولا لا؟ اذا معرسه يعني تعترف انها كانت صايعه؟؟؟؟؟!!!!!!! واسمحيلي
والله الموفق
اقووووول سكتيها وقوليله رمسه تخليها اتوب ترمس