خواتي الغاليات أنا داخلة في برنامج وأدرس الحين كل ما يخص التربية والزواج والمشكلات وهالشغلات اللي اتعرفنها….
المهم …عندي إمتحان على كل كتاب والإمتحان فيه سؤال يعصر راسي عصر…
فأنا الحين ألجأ لكم تساعدوني فيه….
السؤال هو ….أفكار علمية تطبيقية إبداعية لتعليم الأطفال…سواء الأم تعلم الطفل في البيت أو المعلمة في المدرسة….
بقولكم على سبيل المثال يعني…وانتوا بتستفيدون بعد….ويا اعيالكم….
الفكرة اللي طلعت في راسي :
1- إني أعطي لكل طفل 20 درهم …(عيال اخواتي بنتين وولدين)وأعمارهم 11-9-8-5
أقولهم لازم يحددون ويتفقون شو نحتاج للرحلة ..مثلا أقترح عليهم إنسير البر…شو بنحتاج…
ومن هالبيزات يتفقون ويا بعض ونشتري كل اللي نحتاجه…وطبعا أنا إذا رحت وياهم ما بدليهم على مكان هذا وذاك…لا أتركه لهم …بس في كل وقت أبدي رأي وأقترح عليهم…مثلا إذا اتوسخت ايدنا شو بنسوي..
شو بيتعلمون من هالتجربة…؟
1- التفكير في الحاجات والبيزات كيف يستغلونها بشكل دقيق ..
2- تعلم النقاش وإبدأ الرأي
3-تعلم كيف يدور على الشي اللي يحتاجه بدون مساعدة الكبار
4- تعلم كيف يشتري ويشوف السعر
وما أدري شو بعد أكتب…..
2- الفكرة الثانية للمدرسات :
في أطفال يحسون بالعزلة وكره مدرس المادة…وكره الحصة …ونفس الشي يكون من المدرس…
ف أنا لي فكرة عسب كل طفل يحب المدرس…كل يوم يكون لولد من الأولاد يسيرون عند المعلمة يشلون كتبها ويصطحبونها للصف…يعني تتمشى ويا الطفل …واترمسه بأي شي…تحاول تحبه واتحن عليه…وفي هاليوم يكون هو رئيس الصف…يمسح السبورة…ييلس عند المعلمة تمدحه المعلمة …وإنتوا أدرا بالأطفال….
ممكن من هالتجربة:
1- يكون سهل للطفل يفضفض اللي في خاطره للمعلمة
2-يحس إن هو ينجز شي في حياته.
3- يسعده ويحب المادة..
الحين أنا أطلب منكم انتوا بعد أفكار…نتعاون للطفل في المنزل والمدرسة…وهذي هي هوية الطفل…فأغلب أطفالنا ما يعرفون هويته ….ومشكورين خواتي
ودعائي لكل اللي تدخل صفحتي وترد علي ابفكرة ..:
ربي يرزقها سعادة دنيا وآخرة…ويشرح صدرها وينور دربها …ويكثر رزقها…ويزيل عنها الهموم والغموم….آمين
تحياتي : جمولة …
أظاهر محد فهم السالفة…امسوين طاااااف على الآخر….أفا ما هقيتها منكم…
الفكرة الثانية كانت مدرسة بنتي فالروضة تطبقهاا // اسمها (اليد المساعدة) يعني كل يوم تعين وحدة فالسف تكون مثل السكرتيرة للمعلمة…
ماعندي أفكار حاليا،،
بفكر وبرد لج ان شااء الله،،،
وبالتوفيق..
أتمنى إني أفتدكم
