وهالمره تتجدد هالمشكلات …
انا متضايجه واااااااايييد
انا حامل في الشهر التاسع وباقيلي 8 ايام وإن شاء الله بربي … ولليوم ماشتريت اي شي للياهل والسبه ( أمه ) اونه — منقود – المثل ( مايجهزون القماط قبل الياهل ) << مادري إذا هالمثل موجود عن الهنود >>
في بيتنا امي اشترت تقريبا كل شي من ( منز – ملابس للبيبي – دلاغات – مال السبوح (( إللي ايسبحون عليه الياهل )) – قماطات …..كم من مرضعه و….إلخ من إحتياجات الياهل )
بس باقيلي شنطة الياهل للمستشفى – وشنطه لملابسي وإحتياجاتي من فوط صحيه ….إلخ
للعيد ماسرت الصالون ولا اتعدلت ولا شليت حلاوه ولااااااا اي ….. لانه الحبيب ماخلاني اظهر بحجه انه زحمه .. واني بتعب في الصالون ….إلخ من غير بعد مااتنزل إيقولي شي ناقصنج للعيد من ملابس عبي , نعول , ولا شي … اللهم أمي وحليلها فصلتلي كندوره تلي هالعيد ..لو لاها جان مالبست شي ايديد
وهذا اول عيد أضحى وانا وياهم … ( يعني بعدني عروس )
يمكن اتقولولي ليش ماشتريت ملابس للياهل قبل ومب لازم هم ايعرفون …او حتى هو خليهم في الأمر الواقع … هو يعطيني 1500 واحس انه ماتكفيني … لاني مااحصل اكل في بيتهم … يت فتره كله اشتري من المطاعم والكافتيريات … ( غداء وعشاء ) ولا يسألون عني هاي حامل كلت ماكلت ابدا .. بس هم همهم نفسهم وبطونهم ….من غير إني كنت اشتغل وودرت الشغل عشانه ) كان كل يوم يتضارب يبا ايظهرني من الشغل لين ماظهرت ( هالكلام أيام الملجه ) – ( واكبر غلطه غلطها في حياتي ) كنت استلم 16 ,000 795 — وانا قلت له انه حاليا انه اتغار وتونا بداية حياتنا وانته تصرف على شخص وااحد وعقب بتصرف على 2 ويمكن نستوي 3… من غيرعلي اقساط سياره ومصاريف اشياء ثانيه من مأكل وملبس ومشرب … وإذا استوى عندنا بيت خاص تكبرالمسؤليه اكبر واكبر — بس كان جوابه ( انا مب ريال وانا مب قادر ) مع الصريخ .. وماشي تفاهم إللي في راسه بس صح … ومايحب النقاش
وحاليا احس اني متوهقه – بس ماعمري قلت له انه في شي ناقصني او ابا شي معين — راضيه بالواقع بس اعرف انه اشياء وايده ناقصتني — والشي إللي امنجني وامسكتني يمكن اغراض الزهبه ..
بس كل هالأشياء اتهون …إلا انه حد يتدخل في حياتي .. إذا طلبت من برع … لين مايوصل الأكل عندي فوق … ( فضول امه القاتل تلجا إلى تفتيش اكلي ) ونفس الشي إذا طلبت من المطبخ من البشاكير نفس الحاله .. إذا طلعت – تسأل هاه وين سايره – وانا مااطلع واايد لدرجة احس عمري خلااااااص بختنق … خواته يشتغلون وانا لا … إللي ترد العصر – وإللي ماتبا اترد البيت لين بعد المغرب ولا ساعات على 11 كله ويا ربعهم طلعات ومطاعم … انا ودرت هالسوالف من اتزوجت لااطلع .. لا اسير ولا كلم ربيعي نادرا … حتى بيت اهلي من جمعه لين جمعه مايباني اسير لهم … جمعه هي وجمعه لا …
القهر حاليا وانا بربي بعد 8 ايام إن شاء الله — قلت له اليوم بما انه دوامك باجر من الظهر الساعه 1 للتسع .. انا بسير الصالون … اشل حلاوه وانظف ويهي ….إلخ … قالي لا أمي بتحتشر علي …واااايد اتضايجت — انا والله حتى حق الولاده ماامشي — مايفضى لي انه ايطلعني وايمشيني عسب تسهل علي الولاده – في هالشهر بس مشيت وياه 5 مرات …وانا إللي احن عليه ودني ودني كيف بتتسهل علي الولاده … امه واايد تتدخل في حياتنا جدامه مافي اطيب منها بس من وراه شي ثاني …. كل مااسير بيت قوم امي تتصل لي واتقولي تعالي … ماتباني اطلع ..لانه ريلها مايخليها اتسير بلادها … ويوم هو يطلع ويا ربعه هو من نفسه ايقول لي بوديج بيت اهلج تيلسين عندهم لانه يعرف عمره بيتأخر للساعه 2 الفليل ويعرف انه محد ييلس وياي ..لاخواته ولا امه … وانا في البيت عندهم ولا مخلوق ييني الحجره إلا انا من نفسي اسير ايلس ويا الأم … وهي ماتسويلي سالفه لين هاك الزود اسلم عليها واتم يالسه بالساعات وانا ملانه غصبن عني ايلس .. وهي مندمجه في مسلسلاتها الهنديه إللي ماتخلص مال 600 حلقه … وإذا طلعت بيت اهلي اترمس ريلي … وينها ليش سارت ..( ايقول انا وديتها عن تيلس بروحها وانا اتاخر الفليل وهي اتخاف ) اتقول انا بيلس وياها … واايد تتظاهربكلام ورمسات غير …ولو ايلس في الحجره يومين ورا بعض ماآكل ولا اشرب ولا حد يسأل عني … انزين اسألو ..( تراني حامل يمكن مريضه تعبانه ) بس الواحد شو بيقول ؟؟؟
بس الواحد شو بيقول…؟؟؟؟؟ يحبون يتدخلون في اشياء بس ماتعنيهم … والأشياء الزينه مايعرفولها …
والحين القهر اني مااحب دوام ريلي يوم ايكون عليه دوام مساء يكون برع البيت من الساعه 1 الظهر لل 9 وبعدها يرد على طول الصاله كمال الأجسام للساعه 11 ونص ويتسبح وعلى طول رقد وانا شو اسوي … لا اهتمام … لا ايلس ويا حد لا اطلع لا اسير …. ملييييييييييت ضغطي بيرتفع والله مب حياه ..
نسيت اضيف شي للعيد هم ساروا وطلعوا وفصلواعبي وخذو كل اللي ناقصنهم … بس مااتنزلو يسألوني خذتي شي ناقصنج ..او بتين ويانا … وانا إذا شفتهم طالعين مب من النوع إللي أسأل وين بتسيرون او شي … ال 4 بنات ويا الأم يظهرون جدامي وانا يالسه في الصاله ولا يقولون نحنا سايرين …
وفوق كل هذا ريلي ايكون محد وايخلوني في البيت بروحي … ويا الأولاد … بلا سؤال او كلام …
إضافهحتى لدرجة مره قلتله بسير اشتري لي ملابس داخليه …( واسمحولي على هالكلمه ) ( هافات) قالي روحي ويا امي والله هي بتحتشر إن خليتج اتسيرين بروحج … قتله شو انا استحي .. مااحب اشتري جدام حد … جدام امي استحي وين امك … قالي عادي بروحها بتسير بعيد ..؟ يعني وااايد وااايد تتدخل … وتيبها بطريقه انها اتخاف علي
ملاحظه + إضافه .
إللي يتحرى انه ريلي شخصيته ضعيفه … لا والله ابدا مب ضعيفه .. كان قبل يوقفهم عند حدهم في اشياء وااايده … وهو يعرف امه كيف ( يعرفها اكثر عني …بس من ايحس انه في شي غلط او اتقول شي مب زين كان ايسكتها او يوقفها عند حدها … اتبين له انها متضايجه ..وامبوزه واتبين له انها مسكييييييييينه انته ولدي وانا مب قصدي …..الخ وتكسر خاطره ومن فتره قال بيتغير والحين ايسوي كل إللي اتقوله … انا مستغربه كان إنسان ثاني .. وفجأه انجلب . استوى يسمعلها في كل شي ولا قبل ما كان جذيه .. كل اللي في البيت ايخاف منه من الكبير للصغير ..محد يقدر يرمس بوجوده …؟ والحين يسمعلها عالدقه … مادري شو السالفه … انا مستغربه … ( بس ماابغي ارمس واقله قيل وقال )
ربي يسهل عليج
تصدقين أمي هنديه بس ما تتصرف هالتصرف ويا مرت أخويه بتأتا"
ما بينهم غير سلام و ييلسوون يسولفون وبس
ما أعرف شو أقولج غير الله يهدي ريلج
لا تعودينه انج تستكين عن حقج .. هو ملزوم يصرف عليج دام قادر !
ويوم انه ريآل لازم يصرف عليج ويتحمل انج طلعتي من دوامج عشان خآطرهـ ..~
وبخصوص اهلهـ حاولي تتقربين من خوآتهـ وطلعي وياهم غيري جوو لا تحكرين نفسج فالبيت .. ترآ الواحد يضيج والسبه يلسة البيت بلا ونيس .. كلمي ربيعاتج طلعي وياهن دام ريلج ما عندهـ مآنعـ ..
كلمي وحده من ربيعاتج وروحي وياها الصالون خلصي امورج دام انه ريلج راضي وماعليج من رمسة امهـ .. استاذني من ريلج واطلعي .. ولو سالتج قوليلها المكان الفلاني واظهري ..
ولو اتصلت لج مب لازم دوم تردين عليهآ قوليلهآ كنت مشغوله ماجفت الفون .. ولا اي شي ..
واذا رحتي بيت اهلج واتصلت .. قوليلهآ امي حالفه اتم لين يرد ريلي ويشلني .. مشتاقه لي … !
وربي ييسر امورج وتربين بالسلامه ^^
الله يكون بعونج
ما اعرف شو اقول لج
^_^