مرحبا اخواتي ….
سمعت وقرات واااايد شكاوي من الحريم وكلهم شكواهم تكون انهم مو فاهمين كيف يكسبون ازوجهم
وانا في يوم من الايام كنت وحده منهم …..
لين مابديت اتصفح النت وادخل مدونة واقرا ……وعرفت وين العله ووين المفتاح السري للسعاده الزوجيه. تعرفون شو سبب المشاكل الزوجيه؟؟؟؟؟؟؟؟؟
؟؟؟؟؟؟
؟؟؟
؟؟
؟
(((((( الزوجه )))))))))
تعرفون اغنية ابوبكر سالم (انا سبب نفسي نفسي…جبت صبعي صوب عيني)
هالغنيه تنطبق علينا لاننا نسينا انفسنا واهتمينا بازواجنا
ا لزوجه او الحرمه كل همها كيف ترضي زوجها وتسعده …..وهذا واجبها ما اقول انها تهمله
بس الريال اذا الزوجه ماحبت نفسها ودللتها ما يحبها ولايدللها واللي مايحب نفسه محد يحبه …والله يااخواتي اني من حبيت نفسي واهتميت فيها ماصار همي كيف ارضي ابو الشباب
الوحده اذا قامت بواجباتها الزوجيه باكمل وجه واحتسبت اجرها عند الله وما تتريا الرجل يثني عليها او يشكرها وحبت نفسها ودللتها صدقوني بتكون اسعد امرا في الحياه
وحطي في بالج ان اي شئ تسوينه هو لك انت حتي لو كان لزوجك لانك تحتسبين الاجر فيه
ولازم ولابد ان نشغل وقتنا بما هو افيد لنا :
1_قراءة القران
_الصلوات المكتوبه والنوافل
_زياره الصديقات للترفيه عن نفسك
-الاهتمام بلبسك و شكلك و شعرج و بشرتك (روحي صالون سوي مساج او بدكير اوغيري تسريحه شعرج ولونه ) صدقيني بتحسين براحه نفسيه و حطي في بالج انج تسوين هالشئ لنفسج وراحتج واخر همج الريال
_قراءة الكتب المفيده ( وانا اخترت لكم كمن كتاب وانا متاكده انكم بتستفيدون منهم:
كتاب ( لغات الحب الخمس )
في هذا الكتاب يكشف الدكتور عن الكيفية التي يعبر بها أشخاص مختلفون عن حبهم بطرق متباينة , وفي الحقيقة , هناك خمس لغات محددة للحب و هي :
تكريس الوقت – كلمات التشجيع – تبادل الهدايا – الأعمال الخدمية – الاتصال البدني
مايعني لك الكثير ربما لا يعني شيئا بالنسبة لشريك حياتك ولكن أخيرا ستجد المفتاح لفهم احتياجات الطرف الآخر الخاصة
وكتاب:رجال من المريخ والنسااء من الزهره
وانا انشاء الله بكتب لكم المره اليايه عن هذي الكتب واللي قرات الكتب وحابه تشاركنا ياحياها الله ولها الاجر ان شاء الله.
كتاب :استعيدي جمالك واطبخيه علي ناار هااادئه
وهذا الكتاب روووعه
اتمني اشوف تفاعلكم مع الوضوع لاني لو شفت اقبال بكمل واذا ماشئ اقبال وبكل اسف بوقف
" بسم الله الرحمن الرحيم , بسم الله ومن الله وإلى الله وفي سبيل الله , اللّهمّ إليك أسلمت نفسى , وإليك وجّهت وجهي , وإليك فوضت أمري , فاحفظني بحفظ الإيمان من بين يدي ومن خلفي وعن يميني وعن شمالي , ومن فوقي ومن تحتي , وادفع عنّي بحولك وقوتك , فإنه لا حول ولا قوّة إلا بالله العلي العظيم
وان شاء الله تحققين اللي في بالج ويسعدج دنيا واخره
وبالفعل اشياء وايد احني غافلين عنها
وكانك حطيتي ايدج علي الوجع
نحن في انتظار البقيه