خواتي اليوم يايتنكم وانا صدق متفائلة فيكم
ويارب احصل حل لهالمشكلة اللي صدق متعبة نفسيتي
الله يسلمكم
انا واميه رواحنا عايشين ،، والله يخليها لي طول العمر قولوا امييين
اميه تعاني وايد من الخدم ما اتم عندها بشكارة
قبـل كانت عندنا وحدة ،، من سنيــن طويلة
بس يوم هل ابويه انتقلوا شلوها وياهم
ومن عقبها بدت معاناة اميه ويا البشاكير
اول وحدة يابتها اميه اثيوبية ،، ما طولت لانها صدق كانت غجرية واميه ما تحملتها فـ سفرتها
والحين من 3 شهور تقريبن
ما عندنا بشكارة
والسبب
ان مكتب الخدم ما اييب بشاكير من اثيوبيا
اونه عندهم مشاكل هناك ف بلادهم ومادري شو
ماشي بشاكير من اثيوبيا
اتصلت ف مكاتب ف دبي وعيمان وراس الخيمة نفس الحالة
واميه الله يهديها ما تبا لا اندونيسية ولا بنقلاديشية ولا فلبينية
تقول نخسر عليهم تخسير البلا واخر شي سوالف سحر ومغازل وشردات وعوار راس
وانا قلبي معورني على اميه
شاله هم البيت كامل
تغسل وتنظف وتسوي
قلبي معورني وحليلها وين فيها حييل
انا لو بيدي والله اساعدها بس انا دوامي خايس وكراف ما احصل وقت مول
ان حصلت اساعدها شوي بس هي موول متعبة عمرها مهلكة عمرها والله قلبي معورني علييهاا
الحين شو الحل ؟
تعرفون مكان نقدر نحصل فيه بشكارة اثيوبية زينة ؟
او اي مكان ثاني حق البشاكير
حتى لو احصل بشكارة مؤقتة انا راضية ،،
لو تشتغل بالساعات عادي عندي
اهم شي تشل الهم عن اميييه
ساعدوني الله يخليكم
المكاتب مافيهن ؟
اختي ام فلان تراني ابا حد يشتغل بالساعات مب محصلة
لو حد عنده يسوي فيني خير ويعطيني رقم وحدة
أنا بعد لي ثلاث شهور بدون خدامه في انتظار يفتحون مره ثانيه للأثيوبيات ، بغيت أييب بنغاليه لكن ماحصلت ، ما أدري شو مستوي تقشف في الخدم