ورق جدران مع تركيب

السلام عليكم والرحمه خواتي الغاليات ابااسوي حق الميلس والحجره والصاله تعرفون كم بيكلف تقريبا يزاكم الله خير فالعين

في شركه رد هوم للصيانه و الديكور في العين .. ورق جدران .. صبغ .. بناء ملاحق .. تركيب حمامات .. اعمال كهربائيه
اسعارهم زينه وممكن يقسطوا المبلغ

0553301301

أختي Ranome رد هوم ممكن يسون في البريمي الله يخليج ممكن تسالي لي لاني ابا اسوي لبيتي إذا بيسون برتاح من هم الصبغ

جزاج الله الف خير

في بالصيني اشكال وايد وسعر الرول على 150 وحجمه 16متر
واذا تبي تحسبي التكلفه مثلا غرفة 5في5 وارتفاعها خل نقول 3 بيطلع لج 60 متر يعني تبين ما يقارب اربع رولات
هالاربع بيطلعن ما ب 600 +تركيبهن ـممكن يركب لج الرول ب 90 يعني 920 درهم التكلفه
وطبعا في رولات وايد يعني شي 5 متر ويوصل سعر ل 180
حددي السعر وحجم المساحة + قيمة التركيب بيطلع لج التكلفة

يزاج الله خير اسرتو بس كيف احسب مساحه العرفه تعرفين

للرفع

تحتاجي فوت مال القياسات
مثلا طول الغرفه 6 وعرضها ممكن 4
وشوفي بعد ارتفاعها يعني تقيسين من تحت للسقف ممكن يطلع وياج 3 وشوي يعني قرب. 4
وخبري صاحب المحل بالقياسات وبيعطيج الكمية
والقياس بيكون بهذه الصورة لو المساحة 6في 4 والاتفاع مثلا 3
بيكون 6ضرب 3 ضرب 2 + 4 ضرب3ضرب 2
بيطلع 60 متر
وهكذا على هالموال
طول الغرفة ضرب الارتفاع ضرب 2 + عرض الغرفة ضرب الاتفاع ضرب 2
نجمع الناتج تطلع عندنا كمية الامتار