ولدي الصغير ؟؟؟؟؟

السلام عليكم ورحمة الله وبركاته
اخباركم ان شاالله بخير
مشكلتي مع ولدي الصغير عمره سنه وسبع شهور الى الحين ما يتكلم كلمات مفهومه ما يقول الا بابا حتى ماما ما يقول بعض المرات احسه بينطق الكلمه وكانه يعاندني ما يتكلم هل هذا الشي طبيعي من تجارب الامهات
ياليت تفيدوني ؟؟؟؟؟؟؟؟؟؟

نفس بنت اختي كبر ولدج ماتتكلمربالاصح عيالها كلهم جي يتأخرون ف الكلام بس بعد السنتين تنصدمين من لسانهم

عادي فديتج كل واحد وطبيعة الطفل
اذكر بنت اخوي صار عمرها سنتين ومادري كم وهي ماتتكلم بس كان الغلط من امها لانه ماكنت تيلس معاها وتكلمها

انتي كلميها 24 ساعه قوليلها قصص سولفي معاها كانج تسولفين مع حد كبير المهم خليها تسمعج
وان شاء الله بتتكلم قريب

الي اعرفه اختي انه يختلف من طفل لطفل البعض يتأخر في النطق والبعض ما شاء الله

بس اسألي دكتور عسب تتطمئنيين .,

تسلمون حبايبي انا كله اتكلم معاه واحسه يفهمني بس ما ينطق كلمات مفهومه …
الله يحفظه لي يارب ويحفظ لكم عيالكم …

فديتج في وحده كانت منزله نفس الموضوع تقريبا
وردت عليها اخت لازم تاخذه وتعرض الياهل ع الدكتور ..
احسن شي بدور لج الموضوع وبحطلج الرابط عسب تستفيدين اكثر

https://forum.uaewomen.net/showthread.php?t=1063022
وربي يحفظ لج ولدج

أنا ولدي اليوم كمل سنه ومن يومين قال بابا
واحينه شوي امه

وضع طبيعي حبيبتي … خصوصا لو أول بيبي…. إن شاء الله رح تتفاجئي بقدراته… بس طولي بالك