ولدي مايبلع الاكل

السلام عليكم …..اشحالكم خواتي وشخباركم

عندي مشكله واتمنى اتساعدوني وتفيدوني
عندي ولد الشهر الياي بكمل سنه بس مشكلته اني يوم اعطيه الاكل مايبلعه يخلي فحلجه لين مايصير ماي وعقب يطلعه من حلجه وييلس يصيح وصارخ ماعرف شو اسوي وياه جربت كل الطرق ب ماشي فايده مايحب شي اسمه الاكل …..

بليز قولولي شو الحل والله اني وايد مضايجه

شوفي قطعي الاكل قطع صغيرة وان شاء الله بياكلها انا ولدي كان ومازل جيه وعمره سنة وشهرين امممم وبعد احاول احط ويا الاكل روب مثل العيش والمعكرونة والخبز عشان يسهل عيل هضمه لان ولدي الاسنان توها باديه تطلع عنده

خلي ولج ياكل ابروحه يعني حطيله في صحنه الخاص فيه وخلي ياكل …اول بيلعب وبعدين بياكل بنفسه والله يعينج علي تخبيصاته …….

عرضيه للدكتور قبل يمكن الولد يعاني من شي مثل التهاب بالحنجرة لأن اتذكر ولد اخوي لما تلتهب عنده الحنجرة ما يقدر يبلع الأكل وبعدين سوي الي يقولولج اياه البنات

جربت وياه كل شي و وديته للدكتور وقال كل شي فيه طبيعي

ومشكورين خواتي

الله يعينك
عزيزتي مثل ماقالوا بعض الاخوات حطيلا الاكل بروحة هو ياكل ويخبص انا ولدي نفس الشي بس الحمد لله من يكبروا ثلاث سنوات ينتظم
والا نفس الشي ماياكل

عادي تستوي .. يعني فتره . انتي غيري اكله

لان الطفل يمل .. وانتي يوم اتأكلينه قوليله سو جيــه وعلميه …
وشوي اشوي بيسوي مثلج ..
ولاتغصبينه لانه بيعاند .. اهم شي لاتقطعين عنه الاكل