ولدي والكلام

اعرضيه على دكتور نطق

اعرضيه على دكتور نطق إذا قالج طبيعي تراه طبيعي انا ولدي وبنتي لين دشو الروضه مايرمسون والحين عندي ولد عمره سنه ونص وما يرمس عادي مب شاله هم توه يقول ( ببه ) والبنت الثانيه اللي اكبر منه تكلمة والله قبل ما تكمل السنه فإذا هو طبيعي لا تحاتون دوم أهل ريلي يقولون عيالج بلمان ويوم يكبرون يكتشفون عكس فكرتهم والحمدلله من الأوائل كلهم اقولهم هذيلا البلمان االي مب عايبينكم ، وعيالي اكبرهم 10 سنوات كان مايعرف غير (كوكو) بس اسم الدلع ماله (خليفه )

الغاليه انا ولدي بعد مايتكلم مع ان عمره سنتين بس كلمات بسيطه وبنت اختي ماشاء الله عمرها سنه ونص تتكلم عادي يختلفون الاطفال في مثل هالاشياء

انا ولدي وهو صغير ماشا الله علية يتكلم لين ماوصل عمرة 2 و8 شهور جاله مرض الصرع الله يشفيه يارب وبدا يتبلكم بلكلام كل ما كبر يقلل من الكلام وديته لروضه رفضوه وديته مركز ذوي الاحتياجات الخاصه وقبلوه هناك بس اول لسنه كان لابأس اما الان لا بدا بطبع غريب ما يركز في اتدريس ويعصب على الابله ومايفهم الكلام من المعلمه بس نضامهم اهووالمعلمة في الصف بس التدريس مدة ساعه الاربع مرتين في الاسبوع ويقعد يردد الكلامه خمس مرات من قلت اتركيز ياليت الي مرت في حالته او شي تخبرني والحلول اذا عندكم لتبخلون علي وشكرا لكم؟؟

سبحان الله.. نفس ولدي هو من مواليد شهر 7 يعني عمره سنه و9 شهور ومايعرف يتكلم بس ماما وبابا حتى ما ينطقهم عدل بس الدختر قالي عادي …….لا تحاتين حبوبه هاي تعتبر مهارات

مشكورات خواااااااتي ريحتني الله يريحكن دنيا وااااااااخره يارب