اشحالكم // عساكم بخير و عافيه
حبايبي الله يسلمكم نحن البنات عدنا ويا الاهل مسابقة الطبخ الابداعي
انزين و طلع لي ان باجر انا بسوي الغدا ف إذا ممكن تعطووني طرق حلوه للسلطاات و كيف اعرضه يعني بطريقه مبتكره و من ناحية التزييين
و بعد شو ممكن ننسوي اشيا يديده للغدى غير الاكل اللي متعوديين عليه يوميا
انا اهم شي اعرف كيف اطبخ بس احيينه اباكم تساعدوني بطرق يديده للغدى و يعني ابا اكسر الروتين عرفتووا كيف
و اذا ما عليكم كلافه ابا طريقة عيش غيير عن كل مره هههههه يعنييوم ياكلونه يكون في نكهه حلووووووه
ههههههههههه ادري اتشرط واايد بس ابا مساعدتكن لي و بدعليكم والله
و اخر شي شوي اللي ممكن اقدمه بعد الغدى يعني من مشروبات مثل كوفي و هالسوالف بس يعني في شراب غير الكوفي و يجذب و يكون حلوو..؟
اتمنى لو تردوون عليه
و اللي يتحدر لا تسوي طااف اللي يخليكم
لان ادري ماشاالله اللي معرسات خبيرات ف هالسوالف يعني اذا ممكن نستفيد من خبراتكم فالطبخ
والسممووحه منكم حبايبي
اترياااكم
و اتريا الحلوييين
ردوا الله يخليكم ترى بزعل
هههههههههههه
تقدين تسوين سلطة الروب التالية:
روب مقشر .. وتبرشينه زين
روب
ثوم حوالي 3 حبات مدقوق زين
نعناع طازج مفروم ناعم
شوية نعناع يابس
ملح
فلفل أسود
كمون حسب الرغبة
طريقة التقديم: في طبق التقديم حطي على الطرف حبات خيار تقطعينهم بالقطاعة اللي فيها أشكال (يعني قلب أو نجمة الخ) وتسوين باقة من البقدونس والنعناع (الباقة تكون صغيرة مب كبيرة) وتحطينها بطريقة تدخلين فيها حبات الخيار اللي بالشكل اللي انتي قطعتيه
بالنسبة للطبق الرئيسي..
أنا من فترة سويت صدور دياي وحشيتها بالسبانخ والجبن و و و .. وسويتها نص سوا على التاوه وعقب في الفرن .. وكنت مسوية مثل الصلصة بالكريمة والصلصل الأحمر عشان أحطها على الدياي عقب ما يحمر عدل.. وبصراحة الكل تخبل عليها… على جنب سويت بروكولي سوتيه (يعني عقب ما قطعته حطيته في ماي مغلي دقيقة وعقب حطيته في تاوه مع زبده وفلفل أسود وملح وشوية خردل ديجون.
بس اذا ما حبيتي هالفكرة أقترح تسوين:
صالونة الربيان (بس على الطريقة اليابانية لذييييييييذة) اذا تبينها بعطيج الطريقة
أو
دياي مقلي ومن عقب ما تقلينه تكونين مسوية مثل الشياط والصوص الغليظ (بالصلصل والطماط).. وشرايح بطاطا مقلية… في طبق التقديم (أو الحرارة) تحين طبقة من الشياط وعقب الدياي وعقب تصبين الباجي من الشياط وعلى الويه تصفين البطاطا بأسلوبج وعلى ذوقج…
لما الدياي يتشرب الصلصة يستوي طعمه خبااااااااااااااااااااااااال
وبالنسبة للعيش:
عندج فكرة العيش بالبصل الأخضر
كل اللي عليج تسوينه عقب ما تغسلين العيش وتتركينه على جنب. هو انج تيبين كمية حلوة من البصل الأخضر (وعلى فكرة تقدرين تسوينه بالبصل العادي بس الأخضر يعطي لون جناااان) وفي جدر تحطين شوية زبدة وتعقين البصل ومعاه حبتين ثوم مفرومين ناعم (الثوم اختياري).. حركي شويه .. اذا البصل أخضر يبالج بس تحركين شوي.. وعقب تحطين مكعب ماجي واحد وشوية حبات كمون صحيحة (يعني مب مطحون) وحركي الكل عدل (حوالي دقيقتين) وعقب حطي العيش والماي كأنج تسوين مجبوس…..
لكن اذا البصل كان من الأخضر (يعني العادي) عيل لازم تخلينه يذبل ويستوي شفاااف. وعقب تتبعين نفس الخطوات…
بصراحة هالعيش روووعة شوي عليه.. ولا تحسين انه بالبصل.. يعني بالمرة مافيه ريحه.. بس طعمه جناااااان …
بالنسبة لعقب الغدى..
تقدرين تسوين الكوفي التالي:
تيبين نص كلاص ماي مع نص كلاص بودرة النس كافيه ونص كلاص شكر وتضربينهم في بالمضرب الكهربائي.. بتلاحظين ان صار عندج مثل الكريمه..
حطيه في الفريزر عشان يبرد عدل.. ويوم بيي وقت الكوفي والتقديم.. حطي حوالي ملعقة وحدة في كوب التقديم وحطي عليه بالتدريج ماي حار.. وحركي باستمرار.. بتلاحظين ان استوت عندج رغوة خفيفة على راس الكوب.. بس الطعم بصراحة روووووعة… نحنا دوم نسويها في البيت يوم يكون عندنا ضيوف.. ونسوي كمية من الكوفي ونخليها في الفريزر عشان نستخدمها في أي وقت.. الناس يستغربون اذا عرفوا ان نحنا مسوينها في البيت..
اممممممممممممم بس في الوقت الحالي هاي الأفكار اللي عندي.. أتمنى اني أفدتج.. واذا اللي حطيته ما عيبج بالمرة اتمنى انج تسامحيني على القصور وتدعيلي بالخير..
وبالتوفيج
