يااااارب هونا واكتب اللي فيه الخير

السلام عليكم ورحمة الله

خواتي عندي سؤال بخصووص أحكام الطلاق اللي عندها فكرة ارجوكن تجاوبني

اذا طلق الزوج طلقة واحدة..يكون فيه أمل للرجوع بعقد جديد..بس سؤالي حتى لو اصبرت الزوجه سنين يبقى فيه فرصة انه يرجعها او كيف بالضبط ارجو التوضيح…

يعني اقصد طلقها طلقه وحدة وهي بداخلها ما تبي تطلق..وحب انه يرجعها بعد 4 او 5 سنين يجووووز ول فيه فترة محددة للطلقة الاولى او كيف…؟؟؟!!!

مااقدر افتي في الموضوع صراحه

السلام عليكم ورحمة الله وبركاته ,,عساكى بخير أختى
الغالية اذا طلقه واحده هيه يقدر يرجعها بعقد جديد لان بتكون انقضت فترة العدة وزادت لذلك لابد من عقد جديد وشهود وحتى لو طلقتين بس اذا ثلاثه هذا اللى ما فيها رجعه الا بعد ما تاخذ زوج غيره والله اعلم
والافضل انك تسالين رجل دين او تتصلين فى الافتاء تبع وزارة الشؤون الاسلامية والاوقاف اكيد راح يفتونك وترتاحين باذن الله.
ربى يوفقك ويسهل كل امورك يا الغالية .

مع أني عندي وايد أشياء ( إفتاء ) تخص الأحوال منها الطلاق و الزواج الا أني ما حصلت اي حالة مشابهة ان شاء الله اختي ( الأوقاف و الشؤون الاسلامية يردون عليج الرد الشافي ) بحسب علمي ان لازم يرجعك قبل انقضاء المدة ( العدة ) و لكن ما ابغي افتي فأتصلي بهم

بالتوفيق اختي بارك الله لكي

حبيبتي الله يكون في عونج بس نصيحتي لج اللي يبيع مره يبيع الف مره ولا تفكرين ترجعين لانج بتردين منهانه
واذا حبيتي ترجعين عشان عيالج وهوه شارنج خلي العصمه بأيدج ويسويلج كل اللي في خطرج لانه ماله امان
والله يهدي سرج ويوفقج لاتردين للمذله

وعليكم السلام

نفثات انثى ربي يعطيج العافيه على الرد..

وجزاكن الله خير

اختي فتاة مزيد الحياة الزوجة تحتاج للكثير والكثييير من التضحية والتنازل عشان تستمر الحياة
الريال عمره ما باعني..بس فيه احيانا ظروف خارج عن ارادة الزوج والزوجة مثل حالتي يعني تخليهم يضطرون يبتعدون عن بعض فترة..عشان يرجع الحب وترجع المشاعر الطيبة…
منو منا ما انجرح…منو منا ما عاش المذله ولو يوم..منو منا ما انظلم..كلن يعاني..وساكت