بس ادعي يااااااااااارب خلصني من الحقد اللي تكون في قلبي تجاههم غصبا عني لاني تمنيت يكونون أهل ثانيين لي لأني في هالبلد بعيدة عن أهلي بس للأسف أذوني قدامي ومن وراي وفشلوني قدام الناس بعد بأسلوبهم معاي وكلامهم من وراي ادعوا لي يابنات اني اقدر أسامحهم واتخلص من الكره اللي في قلبي لأني ماتعودت أشيل في قلبي جي واتمنى انكم تقولون لي كلام يساعدني أسامحهم مع استمرار أذيتهم لأني فعلا تعباااانه ومحتاجه أحد يقولي كيف أقدر أصفي قلبي تجاههم ما أفكر فيهم ابدا حتى لوتمت أذيتهم مستمرة….(على فكرة لا تقولون قاطعيهم لأني ماأقدر لازم أوصلهم هالشي من باب صلة الرحم)
عزيزتي : احيانا الانسان يعاني من هالحساسيات بين اهله ، سواء جريبين منه ولا بعيدين عنه ، بس ف النهاية يبقون اهل لا نقدر نغيرهم ولا هم يقدرون يغيرونا و يبدلونا باشخاص ثانيين….
نحن عزيزتي ما نقولج اقطعي صلج فيهم ، لا بالعكس ، النبي عليه الصلاة و السلام هوه قدوتنا و اكبر مثال على حياته انه كان يزور جاره اليهودي رغم الاذية و الظرر الي كان يسببهم للنبي عليه الصلاة و السلام ، و كان دايما سمح متسامح…
و يقولج انه المسامح كريم ، حتى لو الظرر كبير سامحي ، لأن رسولنا الكريم عليه الصلاة و السلام خير البشر كان يسامح و يصفح دايما ، و هوه قدوتنا ، ليش ما نسو شراته و نمشي على نهجه….؟؟!!!
حاولي عزيزتي انج تفهمين منهم سبب هالظرر الي اييج من جداهم ، ليش جذه يعاملونج و يرمسون عنج من وراج برمسة هب زينة ، ناقشيهم لكن باسلوب حسن ، بحيث انج تاخذين منهم الحق و تتركين الباطل ، اتعرفين غلطج اذا كنتي غلطانة ف حقهم و تعتذرين ، اما لو هم جذه من زمان ، ف هاييله ما نقول الا الله يصلح حالهم و بالهم و يهديهم للي يحبه و يرضاه…
الله يصلح حالج حبيبتي و يهديج و يقيج شر الناس…
اختج :
/
د.حصــــــة الظــــــاهـــــري
لازم تتخذين قرار مع نفسج
انا نفسج أقرب الناس لي ومن أهلي بعد اذوني وااااااايد في حياتي وللحين بعد
بس الله يسامحهم ع كل شي والحمدالله لنا رب ما ينسانا
طنشي الغالية وعيشي حياتج وتمي استغفري ورددي الله يسامحهم
المشاركة الأصلية كتبت بواسطة هواجس الزيودي 
انا نفسج أقرب الناس لي ومن أهلي بعد اذوني وااااااايد في حياتي وللحين بعد
بس الله يسامحهم ع كل شي والحمدالله لنا رب ما ينسانا
طنشي الغالية وعيشي حياتج وتمي استغفري ورددي الله يسامحهم
>>>>>> كلنا نفسج 
المهم ادعي الله واااايد واستغفريه ….
ترا أغلب الناس معرضين للتعرضتي له
انا بعد صار لي مثلج بس أحاول أتنسى ومشى حالي دام الحياة مستمره
والله سبحانه وتعالى يساامح على اعظم ذنوب عباده
مابالج انتي بشر
أكيد ماراح تسامحين كامل بس انتي حاولي تتناسيين وتمشين لان الحياة مستمره
خذي الخير الي منهم والباجي اابعدي عنه
والله يعينج ويعينا ووويصبرج ياارب