ربيعتي من فئة (بدون)بس أمها عندها الجنسيه يعني هي من فئة (أبناء المواطنات) وفي واحد يحبها ويبه يرتبط فيها اليوم قبل باجر وخبر أهله أنه يبه ياخذها وكل أهله موافقين ماعندهم مشكله بس المشكله في دوامه ؟؟؟؟؟؟؟
الريال يشتغل في الشرطة محلية بوظبي يعني مش إتحادي(وزارة الداخلية) ويقول أنه شرطة محلية بوظبي مايصير يتزوج غير إماراتيه،والريال منصبه في الشرطه( قو) يعني شغلته مب أي شغله ويخاف ياخذها وعقب يعرقلون شغله ومايرقونه .. أو ينزلون رتبته .. وقالت لي أنه في قوانين مختلفة في وزارة الداخلية ومحلية بوظبي قالت أنه وزارة الداخليه مايعرقلون هالامور ياخذ الموافقه ويكتب تعهد وأمورهم تمشي عادي حتى فالجيش إما في شرطة محلية بوظبي يعقدون هالأمور.. وربي قلبي يتقطع على هالبنت ..
البنت نفسيتها تعبانه وايد ومب عارفه كيف تتصرف والريال نفس الشي نفسيته تعبت ومب عارف شو يسوي معنه ربيعتي كذا مره قالت له أنه صعب ترتبط فيه بسبب هذه الظروف وقالت له يروح يرتبط في وحده ثانيه وانه مالهم نصيب مع بعض والبنت تتمناله الخير وماتبه أتسويله مشاكل ف دوامه والريال مصر يباها ومب قادر يبتعد عنها وقال لها بيصبر معنه الريال مش صغير بيدخل 30 ومايبي غير هالبنت ويوم كانت أتقولي مشكلتها غمضتني بصراحه قلبي عورني وايد عليها حسيت هالإبناء مالهم ذنب فاللي يصير لهم والله …
بنات اللي تعرف الحل وكيف يتصرفون أو عندها خلفيه في هالمواضيع تخبريني كيف يتصرفون؟؟؟
بليز بنااااات الموضوع يباله حل ومب عارفين كيف نتصرف؟؟
الله يصبرها ويفرج همها أدعولها بنات ….
نحن ان شالله بندعيلها الله ايسر امرها .. بس الحل عند الريال ..
اعتقد والله اعلم انه الريال مش صاااادق
عيل يسير يدور له شغلة ثانية ويتزوجها
ليش معور راسه وراسها
و دامه يباها خل ياخذها ولا يفتكر فالدووام ولا يتصرف و اذا دوامه اهم خلاص يخلي البنت فحال سبيلها تشوف نصيبها
و دام منصبه قووو معناته عنده واسطه و يروم يسو شي
الله يوفقهم و يكتبلهم الزواج ان شاءالله ^^