هالموضوع في بالي من فتره بس خفت انزله وحد يزعــل ولا تقولون انتي شيخصج
بس بكتبه لانه [ رمضان جريب ] .. والناس تدور الأجر .. وانا ماباكم تكسبون الذنووب
لانكم يمكن مب منتبهين..
خواتي القسـم حق المشاكل ما اختلفنا على هالشي.. والمشاكل تختلف ممكن تخصج انتي
وتبين حل .. وممكن تخص الغير او سالفه سمعتيها وتبين توصلينها للبنات عسب
يتعظوون منهاا لين هنيه حلوو الكلام ومب هنيه المشكله
انا في شي مستغربه منه ..
في بنات يرمسون عن مشاكل الناس [ الخاصه ] بدون اذن اصحابها والمشاكل مب عاديه
حساسه وايد ويذكرون وايد تفاصيل فيها .. لدرجة انه ممكن صاحب المشكله يدش ويعرف
انه هو المقصود .. اوكي انتي تبين تفيدين الغير .. بس يا بنات الناس هالشي غيبه والبنات
كلهم يدشون يغلطون على الظالم ويدعون للمظلووم وانتي المشكله ما تخصج وماتعرفين
كل التفاصيل فيها اكيد فـ بأي حق تطرحينها !!!!!!!!!!!
واللي صج يقهر . . يطرحوون المشكله على اجزاااء بعد وماخذين راحتهم 
.. جزء اول
وثاني وثالث .. [ .. تقعد تتسمع علوم الناس وترد تكتبها ] .. هآي اسرار بيووت وأصحابها
لما علموج أكيد اعتبرووج ثقه ولا ما بيقولوون .. واذا صج تبين تطرحينها عسب الكل
يستفيد لازم عالاقل تخفين بعض التفاصيل الخاصه او تطرحينها بشكل عااام وبدون
لا تفضحين الناااس !
بتسألوني ليش طرحت هالموضوع :
السبب باختصاار .. لانه هالشي أكبر عيب. . انا وحده ما ارضى انه اي شخص ينقل
اموري الخاصه ويعلمها لأي شخص حتى لو ما يعرفني .. ودام المشكله ما تخصني لا من قريب
ولا من بعيد ( يعني ما صارت وياي او ويا حد من اهلي ) ليش اذكرها. . اوكي يممكن صارت
ويا ربيعتي ولا جارتنا .. بس هل لي حق اني افضحهم واكشف اسرارهم الخاصi؟؟ ولا بعد
اكتبها على شكل اجزااء !!!!!! .
مثال :
دشت عضوه ونزلت موضوع عن يارتهم وريلها وتمت تسب في ريل الحرمه لانه معذب حرمته
ويضربها وذكرت كامل التفاصيل. . دشت عضوه ثاانيه الموضوع واستغربت انه التفاصيل
المذكوره تخص زوجة اخوها .. على طول بتسير تعلم اخوها وبتقوله زوجتك منزله عنك موضوع
وتسب فيك او هي قالت حق فلانه وفلانه نشرت السالفه يعني الحرمه ما حفظت اسرار بيتها
وببساطه الريال بيطلق زوجته وكله بسبب هالعضوه اللي ما تقدر تبلع لسانها !
انا كل ما ادش المنتدى احط ايدي على قلبي .. لا احصل وحده منزله عني موضوع بعد هههه
لانه الحريم ماشاء الله يحبون الرمسه .. والمنتدى معروف ومعظم الحريم يدشونه فـ
ممكن تصدف وانه في وحده تعرفج من موضوع كتبتيه ولا شي .. فـ تخيلي ترمسين عن وحده
وتقرى الموضوع وعقب تنطع علاقتكم وتفضحج في كل مكان .. ( هل هالشي بيكون حلو في
حقج؟؟ ) .. وله تعتقدين انه الناس بتثق فيج !!
والله المستعان
اسمحولي ماقصد الي محتايه حلول ونصايح لمشاكلها او فضفضه..
اقصد الي ماخلت شي بحياتها ماطرحت له موضوع ..
ماتخيل اكتب كل شي مستوي لي بحياتي >> وجهه نظر
الواحد يستر على نفسه بعدين يفكر يرمس او يستر على الناس ..