لأني زهقت من ثبات وزني من ربيت بنتي الله يحفظها قبل 14 شهر
قررت اتبع النظام الغذائي من خبيرة التغذية "النادرة" وإن شاء الله يأدي مفعوله
والله يمد بعمري وأشوف الميزان يتحرك ويأشر على رقم غير!!! —->من اليأس لاحد يلومني
من 3 أيام وأنا معي دفتر سعنون اكتب فيه كل شي يدش فمي!
ملاحظة: من كم يوم ما ادري شو فيني كله ما اشتهي الأكل بس اشرب ماي —>وهذا شي ايجابي حسب اعتقادي … لكن الوزن ما ينزل
يوم الثلاثاء 4-8-2017
فطرت كوب كورن فليكس مع حليب ابيض تقريباً الساعة 11 الصبح
وما حسيت باليوع لين الساعة 5العصر حطيت لي من الغدا وكليت منه تقريباً 3 ملاعق رز وربع دياية….
والعشا بيضتين مقليات وصمونة مدهونة بجبن كاسات تقريباً الساعة 9 أو عشر
يوم الاربعاء5-8-2017
فطرت شريحتين توست بينهم حبة ونص جبن شرايح + كوب كابتشينو
والغدا بس ربع دياية
والعشا كان شريحتين توست وبيض مسلوق وشرايح طماطم
يوم الخميس6-8-2017
فطرت شريحتين توست بينهم حبة ونص جبن شرايح + كوب كابتشينو
والغدا بس ربع دياية
حبة من جواهر جلاكسي
والعشا كان شريحتين توست وبيض مسلوق وشرايح طماطم
اليوم الجمعة 7-8-2017
فطرت شريحتين توست بينهم حبة ونص جبن شرايح + كوب كابتشينو
اليوم بذلت مجهود كبير تمثل في غسلي لحمام غرفتي وغسل غرفتي ورتبت غرفة عيالي يمكن تميت ساعتين وأنا اتحرك!! قلت دام بعده يبيلي وقت لين اتحمس وأرد للرياضة خل اتحرك وترا الأعمال المنزلية البعض يعتبرها رياضة!!
الغدا ملعقة ونص رز بس!
العصر 4 حبات عنب + ربع تفاحة
والعشا ألحين حاطته شكشوكة (طريقتها: بالمقلاة نصف شرايح طماط وبصل وفلفل بارد ولما يلينون نصيف البيض)
وإن شاء الله كل يوم بدش ها الصفحة وأحاول اكتب يومياتي
صرنا اغلبيتنا نتبع نظامها
يزاها الله الف خير
شدي حيلج
وان شاااااء الله يتحرك وزنج ويفرحج وتفرحينا وياج يااااااارب
ومن متابعيييييينج دوم
المشاركة الأصلية كتبت بواسطة lollypop.84 
صرنا اغلبيتنا نتبع نظامها
يزاها الله الف خير
شدي حيلج
وان شاااااء الله يتحرك وزنج ويفرحج وتفرحينا وياج يااااااارب
ومن متابعيييييينج دوم
يزاها الله خير ويرزقها ما تتمناه
وافرحني مرورج حبيبتي
بنتاابع كل يديدج خيتوووو وربي يوفقج ….
وتسلمين ع اهتمامج
ان شاء الله بينزل وزنج بس انتي شدي حيلج اشوي و خلي التشجيع علينا