ريلي يبي يقدم اوراقه في الشرطة و اليوم ساير يودي اوراق عشان يلتحق بالدورة و الي اعرفه الشرطة دوراتهم فجائية يعني ما يعلنون عنها .. يتريون عدده طلبات يعني 150 اسم و يسولهم فحص و عقب اسبوعين ع طول دورة 40 يوم حجز بعدين كل اسبوع ينزل ويك اند لمدة 4 شهور ..
وانا حامل في سادس يعني موعدي 28/12/2017 وانا متفقه مع دوامي اخذ اجازة من تاريخ 25/11/2017 عشان اريح وافتك لين موعد الولادة وبعدها باخذ اجازة وضع شهرين و هذا وانا مرتبه معاه كل شي وهو على اساس بياخذ اجازته السنويه معاي ايام اجازة الوضع و بنسافر و انا من 3 شهور قاعده ايمع من معاشي 3500 احطها في الحساب عشان لين شهر 1 يكون عندي مبلغ 20240 ونسافر مكان خفيف نغير جو نرد .. تخيلو بعد هذا كله هو يبي يقدم على الشرطة الحين في هالوقت !!!!!!!! و الدورة الله يعلم متى تطلع … ونحاسه طبعا هذا وقتها ..
و اذا طلع اسمه في دورة الجريبة الله يعلم متى و ما راحها الدورة الي بعدها بيخلونه على الواتنج ليست وبعطون المجال حق الي مو مسجلين قبل .. .
كم مره كلمته يا ولد الحلال قدم على شهر 2 انا ماعندي مشكله عادي لو طلعت الدوره على طول بس هالوقت ما جهزت شي حق البيبي و لا حقي و بعد هذا انا ماعندي حد يراكض معاي في المواعيد بيتنا موووووووول محد متفيج و انا ما ابي اتم 3 شهور بروحي في بيتنا انا كنت متامله وايد في هالاجازه حتى طلبت من الدوام حد يعاوني في القسم و رتبت اموري وخلاص و في هالفتره ما ابي ريلي يروح بعيد و الله هذا اول بيبي وهو الي كان يحن يبيني احمل بس هو مول ما يعبرني لما اتعب حتى لما انام في وقت مو وقت نوم يعصب علي يقولي انتي ماتشبعين رقاد .. كل ما افهمه انه هالشي طبيعي انه يزيد معدل رقادي يقولي انتو الحريم كل شي تفرونه على الحمل .. يمشيني في المول وايد و الله ما اقدر امشي كل هالمسافة اتعب ما يطيع يقعدني اونه انتي كل ما تقوليلي تعبانه من المشي مافي قعدات صوبنا .. !!!!!!! تخيلوووو كنت مره عدال الكرسي و فرينا المكان فر صراحه ابي اقعد اونه لا لا الحينا بنطلع يله تخيلوا و الله مت خفت البيبي ينزل والله ما قعدني.. والله انا مصدومة ليش جي يسوي ؟؟
قبل قالي اذا طلعت الدوره قبل شهر 2 مابروح و اليوم نفس الكلام الي كتبته قتله اياه قالي اونه الي الله كاتبه بيصير انتي ليش جي .. اعرف الي الله كاتبه بيصير بس والله ان نحنا اوكي يعني مو محتاجين 20 الف الحين والله الحمدالله معاشي على معاشة يكفي حق هالخمس شهور اليايه مافي مشاكل و هو ماعليه قرض الحمدالله و اذا نقص شي انا عادي ازيد ماعندي مشكله بس هو كله مستعسل مستعسل
لا تقولولي هونيها تهون .. تخططين و ترتبين امورج المالية و الحياتية و الدوام على اساس فتره الولاده وهو يبي يهدني .. انا منو بيجابلني بيتنا صغير و ماما و بابا كبار ما يتحملون صراخ اليهال وانا ما ابي كل هالفتره اقعد بروحي .. لا تقولولي يمكن ما يمكن .. هو ليش مو حاس فني انا حاسه انه تخلى عني و الله .. انا مريت بنفس الظرف الي هو فيه متازم من دوامه .. بس مو وايد يعني في تغيرات صارت وهو خلاص من زمان اصلا قبل لا اعرفه وهو متازم من دوامه يعني حبك الحين وانا محتاجة نفسيا و معنويا انه يكون معاي يطلع يروح دورة !!!!! انا ما ابي اقعد احاتي متى بيطلع له دوره و بيروح انا اخواني في الشرطة و اعرف كيف نظام الدورات لا يقص علي …
انا كنت ابي استقيل من دوامي بس هو منعني قالي لا مو مشكله وتحملي وكل الدوامات ارف و مافي مدير زين و اذا طلعتي الحين بتقعدين في البيت شو تسوين و ماعليه خلصي اجازت الوضع و ساعات الرضاعة مالتج الي هم ساعتين وبعدين دوري دوام ثاني و انا اقتنعت بكلامه مع اني مو ملزومة بدوام قعدتة البيت افضل !!!!
الحين شسوي والله انا كلمته وكم مره تميت اصيح طول الليل بس هو مووول ما سوالي سالفه .. وطنشنشني .. انا ما ابي اخبر اهلة و لا اهلي هالسالفة اذا طلعت بتكبر .. ما ابي
بس ريلي عنييد مو وايد مهتم انه يكون معاي لما بيبي صغير معنه يحب اليهال و في بيتهم 24 ساعة شال عيال اخوانه ب حقي ساعات اذا بيتذكر بيتحسس حركة البيبي او بيسالني ها شخبارها اليوم ؟؟
مع ان البنات يخبروني انه رياييلهم شو يسون حق اول بيبي و انا اشوفه طاف .. اشتغل في الشقة انظف انزل تحت اخم هو ما يقولي لا تعبين عمرج حتى لما زقره يشيل الشي الثقيل يقولي اوف انتي ذابحج الدلع .. يحسسني جنه الي شايلتنه ماي مو انسان لازم اخاف عليه حرام توه طري.. تخيلو رحنا فراري في لعبة السرعه قالي يله العبي لا تكبرين الموضوع O_O حسسني اني ابالغ حتى اخته عصبت عليه قالت تبي البيبي ينزل عشان لعبه بعدين خلاني اقعد برا !!!!
انا ما اقول انه ريلي مو زين و هو واحد مو مسؤول لا بالعكس بس بهالسالفة هو تخلى عني .. هو ما يبي يكون معاي في الوقت الي انا صج محتاجتنه .. انا بس ريلي الي اقدر اقوله الي بخاطري بس ..
فوق تعب الحمل يبي يتعبني نفسيا و انا مو ناقصه بس قتله اذا طلعت الدوره الحين وبتروحها لا تيي المستشفى و لا تسال خلك بعيد مثل ما تبي لما احتاجلك تبي تخليني شالفايده تكون معاي بعدين .. ما ابي ..
سوري طولت عليكم بنات بس احس بختنق >_<
أول شي غاليتي 
عليج بنفسج ولا تخلين شي يأثر عليج خاصـة في هذي الفترة ما تم وايد على ولادتـج ان شاء الله
وحاولي تراجعين نفسج هل انتي متحسسة بسبب الولادة أم الي قلتيه كله صح ( مافيا شي الإنسان يخطأ )
إذا كان صح ,, فصراحـة حال ريلج غريب ..
وصراحـة في اختراع عند الأجانب للرياييل الي ما يعبرون الحرمـة الحامل يلبسونهم مثل شنطـة فيها أثقال جدام ويخلونهم يمشون فيها يوم
طبعا أغلبهم بعد نص ساعـة يفرها ويطلب السموحـة من حرمتـه
فياريتها موجودة صراحـة يمكن ريلج يوم يشل الثقل على بطنه يحس شوية !
بس الي أنصحج فيه أختي أحس ريلج متوتر روحـة يمكن في شي مب راضي يخبرج به بحكم انج حامل
بس هذا الشي بدون لا هو يحس اصلا قاعد يأثر على علاقتكــم ..
فبدال لا انتي تكلمينه
حاولي تخلين الوالدة أو الوالد يكلمـه ويشرح له ان انتي في ظرف حساس وهو المفروض يساعدج
مب يزيدج
وعليج غاليتي برب العباد كثفي الدعاء والذكر والاستغفار والله بيسر لج كل أمورج
انتي ييبي البيبي وجوفي كيف بيتغير .. لا تحنين عليه ابد .. خليه ع راحته ولا ترمسينه بهالموضوع