لن عندنا عرس جريب من الاهل فحبينا نتشجع انا وتوام روحي وننقص اوزانا
وعشان ما نثقل على بعض وعلى اللي تحب تنظم لنا قررنا ان كل وحده مننا تتبع الدايت اللي يناسبها
لن الاجسام تختلف ^ـــــــــ^
بس هذا ما يمنع ان كل يوم ننزل تقاريرنا اليوميه
وفي اشيا راح نتفق عليه مثل :
1- الرياضه اليوميه سواء نط الحبل او المشي او ضغط البطن المهم الاستمرار عالرياضه
2- شرب الجاي الاخضر والزنجبيل عقب كل وجبه
وان شاء الله تنزل اوزانا ويتحقق حلمنا اللهم امين
سندس : الطول 161
الوزن 88
الهدف75
al-jo0oharh :الطول 164
الوزن 82
الهدف 65
وياليت الي بتنظم تكتب وزنها وطولها والهدف
ثانيا كل وحدة تشوف وزنها قبل ماتبدا رجيم تشوف وزنها وتستخدم نفس الميزان ونفس المكان وتكتبه ف نوتة
ثالثا الجدول مدته اسبوع وبعد اسبوع نشوف الوزن ونكتبه
طبعا لكم ويوم وااااااااااحد فري تاكلون كل شي ف خاطركم بس بعقل
يعني باجر الجمعة راح يكون اول يوم رجيم لحد يوم الخميس الياي ان شاء الله راح تشوفون الوزن وعقبها تاكلون اللي تبونه ومن يوم الجمعة يبدا الجدول اللي بعده ونكمل لحد ما توصل كل وحدة للوزن المطلوب
اهم شي ف الاسبوع الاول مااااشي رياضة او تمارين لان راح نبدا من الاسبوع الثاني ونستمر
الماي ضروووري ضروووري شرب الماي بكثرة
طيوووب فدييتها بتنزل الجدول كل اسبوع وراح نتابع معاكم انا وياها
واي استفسار احنا حاضرين
والله يوفق الجميع وكل وحدة توصل للوزن اللي تبيه
ريجيم الأسبوع الأول :
ملاحظه : الريجيم ثابت كل يوم بالنسبه للأسبوع الأول بس العشا هو الي يتغير
الصبح اول ما نصحى: كوب ماء دافي
الافطار: قبل الدوام حبة فاكهة ( تفاح – برتقال – كيوي – كمثرى – 4 حبات فراولة – 4 حبات عنب )
الضحى: 5 حبات مكسرات غير مملح – 3 تمر
الظهر: سلطة ( روكا ) او خيارة او جزرة
الغداء: ربع دجاجة او ما يعادلها ( مشوي – مسلوق – بالفرن ) + سلطة
العصر: 3 تمر
المغرب: حبة فاكهة
العشاء: شوربة ( بدون شعرية بدون كريمة بدون بطاطا)
عشا اليوم الثاني : سلطة
عشا اليوم الثالث : تبولة
عشا اليوم الرابع :2 فاكهة
عشا اليوم الخامس: بيضة+ سلطة
ويكرر
يالجوهرة شكلج بتذبحيني والله حلو رجيمج بس نفس الوقت هع صعب
المهم
انا عن نفسي لازم اظعفففففففففففففففففففففففففففففففف ورانا عرس ولابس مترصص يختي ختي يختي تجوفين الزوائد الحلوه هع هع
ماعلينا الحمدالله على كل حال
اوجييييييي حبيبتي
جوفي انا توني مخلصه من العشا وسويت لي شوربة فيها كوسا وجزر ويقولون انه الجزر مب حق الرجيم المهم وحطيت بعد فصة ثووووم وزهرة
صبيت عليهم مااااااااي ورشة ملح وفلفل اسود وكمون
الله لايرااااااااااااااااويج صعب صعب ماحبيت الطعم بس شربتها وكليت الخضار
بس من باجر باذن الله بنتظم على هالرجيم اللي نزلتيه وعلى الرياضه
جااااااااااااااااااااااااااووووو بناتات
بس لاتشدون وايد بالرجيم عشان ماتتعبون وتملون
واهم شي التنويع في الاكل والماي والخضار والفاكهه والريااااضه شدو حيلكم فيها
والميزان لاتقربون صوبه ابدااا لانه احبااط