ّّ اسباغيتى بالدجاج من ايدي

##ماراااااااااااااح اسامح اى وحده ادج وتطلع وما تكتب اى رد لانى اتعب لمن انزل اى وصفه##
هلا خواتى سيدات منتدى الامارات, اليوم طبقى كان عباره عن اسباغيتى بالدجاج, وهو من ابتكارى , وان شاااء الله ينال اعجابكم خواتى ^-^
راح تحتاجون الى دجاج+البهارات الصحيحه حب طبعا ( ملح -سنوت -فلفل اسود – مسمار-هيل-لومى يابس بس انا استخدمت البودر ملعقه كبيره منه -زبده ربع كوب تقريبا- عصير عامض ملعقتين-ورق غار – 4 حبات ثوم كاملين – وماى عشان نسلق فيها الدجاج)^-^
نيب جدر ونترسه ماى انزين ونحط الدجاج داخله , ونحط كل البهارات الصحيحه الى كتبتها فوق مع الزبده وعصير الليمون الحامض ونخليه لين ينسلق الدجاج بس اثناء سلق الدجاج, سوو ثقوب فى الدجاج عشان يتشرب النكهات الحلوه , وعقب ما ينسلق عدنا الدجاج اشخلوه فى المشخله, ولاكن راح نحتاج للماى الى سلقنا فيه الدجاج يعنى لا تكبونه يعنى تحت المشخله حطو طاسه عوده عشان الماى مال الدجاج ينزل فيها , فهمتو على لانه راح نستخدمه..
خليجية

ها فهمتو كل شى وااااااااضح, وفتتو الدجاج
وفى ها الاثناء نسلق الاسباغيتى ويا زبده وملح
خليجية

ومقادير الصلصه 2 حبه طماط – 2 بصل مفروم – ثوم وزنجبيل مطحونين- 1 فلفل اخضر بارد – 2 قرن فلفل حار – زيتون اخضر ملعقتين – وكزبره وبقدونس مفرومين- 2 مكعب ماجى – 2 ملعقه صوص صويا – 1 ملعقه دبس الرمان- 2 ملعه كبار حليب جوز الهند-زبده-ملعقه كارى – ملعقه فلفل أسود – ملعقه فلفل حار – وملح حسب الحاجه – 3 كوب من ماى الدجاج الى شخلناه – والدجاج الى فتفتناه ^-^
خليجية

اول شى خلطنا الطماط مع الفلفل البارد وقرنين من الفلفل الحار و3 كوب من ماى الدجاج فى خلاط العصير
خليجية

وفى ها الاثناء انحمر البصل فى جدر مع اضافه الزبده والزيت زيتون ولين يحمر البصل نبدأ نظيف الثوم والزنجبيل المطحونين ونحركم زين ما زين ونضيف الماجى ونضيف الدجاج الى فتفتناه اصغار وبعدين نظيف الخليط الى خلطناه مع اضافه عبوه كامله من صلصه الطماط ونحركم زين ما زين على النار وبعدين نضيف صوص صويا ودبس الرمان و البقدونس والكزبره والبهارات الى ذكرتها وحركوهم عدل واخر شى ظيفو حليب جوز الهند , حبيباتى قبل لا ظيفون الاسباغيتى اغسلوه فى ماى بارد عشان تتفتح عدكم الاسباغيتى يعنى عشان مايتم لازق وظيفوه للخلطه وخلوه على النار 10 دقايق بس حركوه بين فتره وفتره..
خليجية