‏►♥◄ عنـآيتك الشخصية بالمنطقة الحساسة ►♥◄ ‏

مســـاكم اللــه بالخير صبآيــآآ

اليــوم حآبـه اتكلـم لكم عن العناية الشخصية بالمنطقة الحساسة..

لأهميتـهآ و لأني ابد ما شفت اي احد تـطرق لهذا الموضوع المهم..

رآح اتكلــم لكم بالتفصــيل..

أول شيء: الكل يعرف أهمية الإهتمام بالمنطقة الحساسة ونظافتها, وبنفس الوقت فيه كثير مهـملين هالنقطة!
بعضهم بنآت و بعضهم متزوجات..

راح نتكـلم عن عدة مواضيع..

1/ كيفية العنـاية الشخصية للمنطقة من غسولات إلى نظافتها ..(فوط يومية, مناديل, طريقة للنظافه , ولشد البشرة)

حطي ببالك ان المنطقه مكتمه ماتتعرض للهواء .. لذلك تلاحظينها لونها غير عن باقي جسمك..
عشـآن كذا اتبعي التالي..
عشان تحصلين ع منطقة ناعمه ونظيفه ولونها حلـو..

1/ اهتـمي دايماً تمسحين المنطقة بالمنديل بعد إنتهائك.. و انصحك كمآن بعدها مسحي المنطقه بالمناديل حقت الـ Baby .. انا استخدم تشبز.. مرا تجنن وتعطي ريحة طفوليه نظيفه وماتسبب لك اي حساسيه او اي إلتهابات .. ولا فيها مواد عطره.. انا عني افضلها اكثركـ منتجات مناديل..من منتجاتنا _(برايفت , ستيافل, كير فري) او استخدمي اي نوع تفضلينه..
يعطي المنطقة رطوبه و انتعاش حلو وريحة مرا حلوة

2/ إهتمي بإستخدام الفوط الصحية اليوميـة.. وانا عني افضل _(برايفت)..
مرا ناعمه وحلوة كإستخدام يومي.. بكذا .. تحصلين ع منطقة نظيفه حتى الكيلوت مايتوسخ عليك ..وكل مرا تغيرينها..
بكذا تحافظين ع نظافة المكان وكمان مايكون فيه بكتيريا.. متجمعه او كل شوي تغيرين الكلوت..

3/ طبعاً ماننسى اهم نقطة وهي الغسولات..(للتـخلص من الريحه الكريهه بالمنطقه)
في نقااط مرا مهمه احب اذكركم فيها عند إستخدام هذي الغـسولاات..

1/ يتم تنظيفها من منطقه العانه الى الخلــف وذلك لمنع نقل البكتيريا وانتشــارها بالمنـطقه الحساسة >> دوم احرصوا ع تنظيف المنطقة من الأمام إلى الخلف..مررا مهمه يابنات هالمنطقة..

2/ حــطي ببالك إستخدام الغسول يكون فقـط مرا وحده باليوم .. وثلاث مرات بالاســبوع..
لان كثرتـها تضرك.. تقتل البكتيريا النافعه بالمنطقه..
لذلك كوني حريصه ع عدم الاكثار ..منها
وبين فترة وفتره استخدمي..
ملح خشن + المـّر مع موية دافيه وغسلي المنطقه
تحسين بإنتعااش فضييع..
او استخدمي واحد منهم..
بشكل عام الملح الخشن جداً ممتاز

3/ عدم استخدام الشامبو او الصابون العادي لانه يسبب جفاف + تسلخات و إلتهابــآت

4/ اذا جتك إلتهابات او روائح بشكل مستمر عالجي نفسك اول بأول ولاتهملين المنطقه ابداً..

أنصحكم ببعض افـضل الغسولات..

1- لانا بالبابونج جداً حلو للمنطقه ويعطيها رائحه حلوه
2- كير فــري -care free
3- غســول الفيمين من أفوون..(يمدحونه مرا)
4-غسول سيتيال
5- غسول ليدي فرش
6- البيبي فوم من جونسون
7- سيباميد _(ماركة ألمانيه وناعمه ع المنطقه وحلوة و ريحتها تجنن ع المنطقه )
8-غسول ديو-سيبت ممتاز سعره اعتقد 60او70
لكن ممتاز واقتصادي وشعور بالنظافه غير طبيعي
9-–غسول Leocrema جداً رائع و ريحته تهبلتلاقينه بصيدلية النهدي بـ 40 ريال..

برب لاحديرد

2/ الطريقة الـصحيحه والخطيرة لإزالة المنطقة..

نــصائح لمستخدمي الامــوآس..
_(استخدمي الامواس النسائية مو الرجاليــه انتبهي..
فينوس الوردي
او Bic Soleilموس انا استخدمه لونه وردي يجـنن يجنن ومايسود لك المنطقة بزيت الصبار وفيتامين اي بين اشفارها مرا حلوه..)
طريقتي: استخدمه ع المنطقة ناشفه بدون رغوه بشكل افقي يعني احرك الموس بشويش.. بدون مويه او صابون او اي شي!
جربوه روعــه

الرغــوة..
عندك Super max حلاقة نسائي…سعره 5 ريال فقط…وفيه منه عدة روائح ( اللافندر والروز) روعــه وخيال ريحـته وسهولـة استخدامه

– لتجنب ظهور الحبوب والبثور بعد الحف استخدمي الاسكينول بالليمون او اي نوع من انواع الــTONER
يعجبني تونر هملايا بالليمون
يتم توزيعه بواسطه قطنــه

مــلاحظه:
واذا تبين ممكن تستخدمين
– الآله –

من افضل الالات لنزع شعر المنطقه الحساسه هي آلة براون

تحتوي على شفره خاصه بالمنطقه الحساسه + قطعه لونها ازرق توضع بالفريزرلمدة ساعتين ثم اخرجيها وضعيها على المنطقه الحساسه فهي تعمل عمل المخدر

هي نوعا ما افــضل من الموس.. وممكن تستخدميها لمنطقه العلويه خط البيكيني بدل الموس ..
لكن تجنبي استخدام الحلاوه لان ممكن تسبب اضرار للمنطقه اي ترهله
والرسول عليه السلام امرنا بالحلق العانه ولم يامرنا بالنتف

/3اهـــم نقطة نوعا ما.. وهي كيفية الحفاظ ع نعومــة وبيآآض المنطقه وشدهـآ

1/ اذا حرصتي ع الخطوآت السابقـة بشكل مستمر .. راح يبقى لك طريقه وحده وهي الحفاظ ع كل إلي سوتيه ..
وانا بأعــطيك عدة طـرق وتجآرب

1/ بإستمرار خذي قطنة و إسكينول بالليـمون ونظفي المنطقة من فوق و خط البيكيني..
بتنظف لك المنطقة و مع الوقت بتشوفين المنطقة فتحت

2/ هذي خلـطة ممتازه استخدميها يومياً تبيض المنطقة وتنعمها .. وتشدها
زيت لوز+ نص كوب ليمون _(طازج اعصريه) + موية ورد
حطيهم بقارورة وقبل ماتنامين مسحي المنطقه مع خط البكيني..
خلال اسبوع الى اسبوعين بتشوفين كيف البياض والنعومه خـيآل

3/ ينصـحون بكريم مبيض للمنـطقة الحساسة وهو Feed

4/ بشكل عام افضل زيوت ممكن تستخدمينها للمنطقة تبيض و تشدها هي زيت اللوز او زيت الورد او زيت جنين القمح.. حاولي تدهنين المنطقه بإستمرار لاتهمليها..

5/ فيه خلطة انا استخدمها .. سمعت انها مع الاستمرار تفتح المنطقه ولااتنسي خط البيكيني جداً مهم بنات وهي حبه كريم بيتنوفيت +كريم دوف الوردي..
كريم بيتنوفيت = هو لاثار الحروق او حبوب او إلتهابات..

6/ الحمام المغربي .. عند عملك الحمام المغربي الخاص بكِ ضعي كميه منه على المنطقه الحساسه من الخارج فقط ثم اغسليه وابتعدي عن دعك المنطقه بالليفه
افضل حمام مغربي للجسم والمنطقه الحساسه ( ملعقتين حنا + 3 ملاعق صابون مغربي اسود + مويه دافئه ) ضعيه على جسمك وخاصه المنطقه الحساسه لمدة ربع ساعه ثم قومي بغسله..

بعد ما تنتهين من الحمام المغربي للمنطقــة.. بتكون المسام مفتوحه قشري المنطقه برفـق.. وبعدها مرري عليها موية ورد بقطـنه.. وبعدها حطي كريم دوف الوردي
شوف النعـومه والبياض

التقشير بالحمام المغربي يكون تقريباً مرا بالاسبوع..

8/ طبعاً ما ننسى افضل مقشــر طبيعي إلي هو زيت زيتون مع ملح وسكر.. او بس ملح.. بس سكر..

افضل كريمات الترطيب:هي إلي تستخدميها ليدك استخدميها للمنطقه
منها جلوسليد مع ليمون و زيت لوز.. مع الاستمرار بتشوفي المنطقه خــــيال..

فيه مقشرات طبيه ممكن تستخدمينها للمنطقه..

استخدمي:

1/ مقشر رتن اي+ افالـون + الكوم
مقشر رتن اي= صحيح مقشر قوي بس يشيل لك الجلد الميت كله والطبقه السوداء كلها
افالون= كله فيتامينات ومبيض
الكوم= منـعم للمنطقه

هذي الخلطه لازم تستمري عليها اقل شي شــهر الى شهرين وبعدها لاتزيـدين..

ملاحظه: في ناس ما يناسبهم رتن آي كل وحده وادرى ببشرتها ممكن تستبدله بالمقشر إلي يناسبها
وفيه إلي اخف منها: آكرتين او ديفرين..

وبــكذآ..
ياليـت اكون وفقـت في إختياري للموضوع ونال ع إستحسانـكم

والحين..
صبـــايا..

اشوفكم ع خير