ساعدوني عندي كم سؤال خاص بالبيبي في الطيارة

انا اول مرة اسافر ويا بنتي ولين يوم السفر بتكون كملت 1 ونص تقريبا فبغيت اسال

كيف بتيلس في الطيارة فحضني والا يوفون كراسي؟؟؟ واذا رقدت يوفرون سلات او سرير صغير لها انا سمعت انه يوفرون بس لاوزان معينة هل هالشي صحيح

وبالنسبة للطيارة الاطفال في هالعمر حركيين فشو اسوي عشان ما تتحرك من مكانها ترا بنتي وايد حركية شو تاخذولهم عشان يلتهون؟؟

بالنسبة للحليب هل يوفرون ماي حار؟؟ وهل مسموح لي ادخل الحليب المجفف ووجبات خفيفة للطفل؟؟

بالنسبة لكم هل تبدلون حفاظات البيبي في الطيارة؟؟؟

انا وايد احاتي سيرتي ويا البيبي لانه اول مرة ونحن ع فكرة ع طيران الامارات وحاجزين بزنس

خليها تجوف التلفزيون فيه رسوم

يعطوهم بعد اللعاب لي الاطفال ودفتر وتلوين

خذيلها اللعاب يديده وعطيها لها بالطياره

بالنسبه للاكل عادي وهم بعد عندهم وجبات خاصه للبيبي

وللبامبرز عادي بدلت لهااا

اذا على البزنس بترتاحين وايد. بس ما لها كرسي ويعطونك سرير اذا كنت في اول سطر وانا ابدل الحفاظ قبل ما نوصل بساعه وقبل ما نركب الطياره . وماء متوفر وبالنسبه للحركه يمكن تستحي من الناس وتم يالسه…..

والله حالتي شارات حالتج عندي ولد عمره سنه ونص وخايفه يغربلني في الطياره ورحلتنا 14 ساعه بدون توقف
انصحوني شو اسوي
وعلى طيران الامارات بس على ايكنومي

بارك الله فيها ما تطالع رسوم واي لعبة يديدة والا قديمة 5 دقايق وتفرها

واخافها ما اطيع تيلس واتم تصيح

شو وجبات البيبي
ومشكورة حبيبتي ع الرد

انا قاصة بزنس بس عشان خاطرها قلت عشان انا ارتاح وعشان يوفرولي اللي احتاجه لها

اتمنى انها تستحي وتخاف تتحرك والا ما بعرف شو اسوي وياها ترا من حد يسويلها شي ما تباه اتم تصيح هههههه

يعني يوفرون اسرة بدون ما يسالون عن وزن البيبي ترا قالولي ما يوفرون لاكثر من 10 كيلو وهي تقريبا 11
تسلمين حبيبتي ع الرد

الله يعينج وايد بتمون بالطيارة احس تعب

وين مسافرين