شو الاشياء اللي احتاجها بالسفر الى اوروبا

السلام عليكم
حابة استفسر منكم عن بعض الشغلات
ان شاء الله بالصيف بسافر اوروبا وطبعا بلبس عيالي لبس صيفي
بس ابا اعرف شي هناك بعوض ولا لا وشو الافضل شورتات ولا بناطلين ؟؟ والنعول افضل حقي وحقهم نعول خفيفه ولا جواتي رياضه؟؟
وفي الفنادق والشقق شي عندهم بويلر ( سخان الماي حق الحليب ) ولا اشل من عندي احسن ؟؟

طبعا عشان صيف بتكون الملابس صيفية
لكن جو اوروبا متقلب
هذا ما يمنع انه احيانا تي ايام باردة وتحتاجين ملابس غليظة
فحطي جاكيتات احتياط !

بخصوص البعوض هذا يعتمد على الدول اللي سايرتلها
والمدن اللي بتسكنين فيها ..
مب لازم تشلين وياج طارد البعوض
(اذا دعت الحاجة بتلقينه في الصيدليات اسمه insect repellent)

خذي شورتات وبعد بناطلين

بخصوص الاحذية :
اهم شي في السفر المشي فعشان جذيه حاولي تكون الاحذية مريحة جدا للمشي
تكون فلات وضروري تشلين وياج جوتي رياضة (حق الايام الممطرة)
وممكن بلاتفورم او كعب حق الفندق والمطاعم والاماكن اللي ما فيها مشي

بخصوص السخان تقدرين تستفسرين عن هالشي من الفندق قبل لا تسافرين
تدخلين موقعهم وبتلقين كل تجهيزات الغرفة بالتفصيل خليجية