عاااد جفت الاغلبيه مابيسافرون والي بيسافرون الله يحفظهم،،
ف قلت خلونا نخطط ع شي نسويه فالاجازه
حتى لو تخطيط ليومين حلوين
بما اني كنت بسافر و الله ماكتب
قررت اغير الجو بروحي مع ريلي لان اهلي بيسافرون
ف انا هذذا الي افكر اسويه ولو سويت شي واحد بس بكون مستانسه،،
اول شي
مخططه ان فيوم حلو ناخذ لنا كباب و بطاط و بارد و نروح انا وريلي بس ع شارع الامارات
ناكل و نسولف و قلت عشان مانرجع بسرعه ههههه بنزل فلم او مسرحيه تضحك عالايباد و باخذه معانا نتدفى بالنار ونضحك عالي نجوفه
ثاني شي بعد مايخلص ريلي من الدوره اذا في مجال نحجز لنا يومين ف دبي منها نغير جو ومنها شووووبنج و بعد يمكن نخطف عالقريه لو اني ما افضلها على المولات هههه
بعد مخططه ان ننش من وقت و نروح صوب عروس الامارات فجيره وخورفكان وسوق اليمعه ناخذ ذره و همبا اخضر يمييييييييي و نتنفس جو نقي
بعد محطيه فبالي لوو كل هالخطط فشلت اسوي شي فالبيت
طبعاً بيتي الحوي فيه صغيرون لكن حلو يعني ع قدنا
قلت بجهو كل عدت الشوي و بطلب من مطعم لبناني يجهز الاكل بالاسياخ عسبت نشويهن على طول
عالاقل يعني بر من نوع ثاني ههههه
هاي خططي ومثل ماقلت راضيه ب شي واحد واذا زاد عن شي واحد ربي لك الحمد والشكر
وانتوا ياحلوات بشو تخططون؟
ترى رياييلكم يستاهلون وكتاكيتكم اكييييييد حاشرينكم يبون يطلعون مثل فلان وعلان ههههه اعرف هالموال،،
الله يديم علينا الفرحه قولوا امين
يلسة البر اروحها سالفة
الكستنا والذرة والسوالف واللمة
الكرك طبعا
احب في الشتا اروح اماكن طبيعة مب مولات
المولات بخليهن للصيف ولواهيبه
القرية روووووعة بعد
البحر طررر و خاصة في هالاجواااااااء
مممممم طلعات و يااا الاهل حديقة الخوور الصفااا الخ
و اجاازة سعيدة للكل
خاصه في الرمل طلعاتنا وفيه منطقة الغيل ( المورد ) راس الخيمة
فيها ماي وخضرا بين الجبال خبال حلوة
أنصحكم تروحوا لها