في اول مشاركة لي في هذا المنتدى الغالي ..واللي احس انه بيتي الثاني ..ارحب بالجميع ,,وأرجو ان احيز على القبول ……….
اخواتي العزيزات انا عندي مشكله او بالأحرى قضيه مهمه تهم المجتمع وهي قضيه لا احد من المسؤولين يعير لها اي اهتمام …
واعتقد ان كثير من الامهات يعانن منها وخصوصا اللي من حالاتي …..
شو هالحاله ………؟؟؟؟؟؟؟؟
تبغن تعرفنها ………ارجو ان توسعن صدركن …وارجو كل من لها أيد او معرفه بمسؤول ان تشارك معانا في توصيل صوت القضيه او تساهم بكل مالديها من معلومه او نصح ……..
عذرا على الإطاله والله ماأدري من وين ببتدي ..من وين ولا وين ؟؟؟؟؟((وحده تايه في هالعالم مالها معين))
انا ام الله رزقني بولد مصاب بحاله من التوحد وزيادة في النشاط ..اللهم لا اعتراض ..المشكله واجهتها من سنين والحمدلله قدرت اتغلب عليها واعالج ولدي بالصبر والدعاء وبفضل مركز متخصص قدرنا نوصل الولد لان يندمج مع الاولاد في المدرسه العاديه ……..طبعا هذا كله بعد معاناه ومآسي لا احب ان اذكرها ..
الولد والحمدلله الحين في الصف الثاني بس في فصل(( تربيه خاصه)).
الآن وصلنا للمشكلة وهي(( المناااااااااهج التربويه )) ..الاولاد في التربيه الخاصه يدرسون مناهج التربيه والتعليم العاديه ..وهذا يشكل علي وعلى باقي الامهات والمدرسات خصوصا عباء وضغط نفسي شديد ..لان هالمناهج غير مهيئه لهالحالات ..يعني والله في اشياء في العلوم والتربيه الاسلاميه والاجتماعيات ما أعرف كيف اوصلها للولد ..وطبعا هذا يخليني عاجزه تماما في التدريس ..مع ان المدرسات دائما يشتكون للوزاره والموجهين بس محد معبرنهم ….لانهن يطالبن بمناهج خاصه لهالحالات ……….
طيب ليش هالاهمال من الوزاره مع ان بلادنا ما عليها قاصر والحمدلله ….
وانا الحين اريد تضامن من كل الاخوات حتى نرفع هالمشكله للمسؤولين علشان يتحركون ..على الاقل يدرسون الموضوع ويعرفون جوانب العجز في المناهج …الصاحيين يالله يالله يفهمون المنهج وين حليلهم اللي والله انهم وعندهم صعوبات في التعلم …
ارجو من الاخوات التفاعل ليصل صوتي الى كل مسؤول …((والله قلبي محروق على ولدي ))
الله يسلمكن ……………
وانا اضم صوتي لج وانشالله يكون صوتج مسموع للمسؤلين
واكثري من الدعاء الغاليه والله بيعافي لج ولدج انشالله
وحياج الله في المنتدى
وان شاءالله يوصل صوتج واصواتنا للمسؤولين ..