بعد نهاية امتحانات للمدارس الثانوية عامه كانت مريم واربيعاتها متيمعات في صحارى ليشترون ملابس الصيف قعدوا صوب المطاعم مر من صوبم احمد وفر رقمه حق مريم يوم سارت مريم البيت اتصلت حق احمد
مريم:سلام عليكم
احمد:وعليك سلام
مريم:رقم منو هذا؟
احمد:رقمي
مريم:اهاا
احمد:من وين يبتي رقمي؟
مريم:شي واحد فر رقمك علي
احمد:مب انتي إلي قاعدة مع اربيعاتها
مريم:هي انا منو انت ؟
احمد: انا احمد وانتي ؟
مريم:مالا داعي تعرف اسمي
احمد: ليش؟
مريم: بس كيفي
احمد: قولي
مريم:اوكي باي
توت توت توت
فقعد احمد يفكر فيها ف اتصل باربيعا راشد
راشد:الوو
احمد: اشحالك رشود ممكن تي معاي نقعد صوب البحر
راشد: اوكي عقب دقيقتين بتحصلني عندك
احمد: اوكي يالله باي
راشد:باي
وصل راشد عند بيت احمد ودق الهرن وجافه احمد تحت ونزله وركب السيارة
احمد:ليش اتاخرت اكيد من الزحمه
راشد:لا لا تخاف
احمد:ليش اخاف شي ما يرزا اني اخاف
يوم وصل صوب البحر جاف ريم اربيعة مريم إلي كانت معاها
احمد:سلام عليكم
ريم:وعليكم السلام
احمد:اختي مب انتي كنتي امس في صحارى
ريم: هي شو تبا
احمد:خلينا نتعرف الأول
ريم:انا ريم
احمد:شي وحده كانت لابسه اخضر معاكم
ريم:هي شو تبابها
احمد:لا تشبه وحده من اهلي حبيت اتاكد هي او لا
ريم: اسمها مريم
احمد:خلاص اختي ريم مشكوره
ريم: العفو
راشد: احمدوه وصمخ تعال
احمد:هلا
راشد:شو تبابها البنيه ؟
احمد: قصه طويله بتعرفها بعدين
راشد: اوكي
احمد:رشود تعبت ابا اسير البيت
راشد: خلاص قوم بنسير
وصل احمد البيت قبل مايرقد طرش حق مريم مسج
وكتب:ترى اعرف اسمج يا حلوه..
ول يوم الثاني قام وجاف 12 مكالمة لم يرد عليها
وعرف إن مريم متصله
فاتصل حق راشد وقاله السالفة من اول الين الآخر
راشد:انزين اتصل حقها
احمد:لا حبيبي بخليها روحها تتصلبي
راشد: خلاص برايك انا مايخصني
عقب ما سكر راشد اتصلت مريم حق احمد
احمد:الو
مريم: الوو
احمد:هلا بمريوم حبيبتي
مريم:يعني عرفت اسمي
احمد: الي وده الصلاه ماتفوته
مريم: قولي منو عطاك حرام
احمد:بقولج بس عندي شرط
مريم:شو الشرط
احمد:اتكونين اربيعتي
مريم:اوكي
احمد:وعد
مريم: اكيد وعد
احمد: خلاص احنا من اليوم ربع
مريم:الحين قولي
احمد:مابا اقولج الحين
مريم:عيل
احمد:باجر نفس هالساعة رمسيني
مريم:اوكي
احمد: باي
مريم:اوكي باي
ول اليوم الثاني في نفس ساعه اتصلت حق احمد
مريم:الوو
احمد:هلا
مريم:الحين بتقولي
احمد:الناس يسلمون الأول
مريم:سلام عليكم
ها ارتحت
احمد:اوكي
مريم :ارمس منو
احمد:اربيعتج
مريم:أي اربيعه
احمد:بعدين اتصلي
مريم :اوكي باي
احمد:باي
فمر أسبوع واحمد مايرد عليها فطرشت مسج حقه
فاتصل احمد حق مريم
احمد:الو
مريم:وينك مر اسبوع وانت ماترد علي
احمد:مريومه حبيبتي كانت ضروفي شاغلتني
مريم:اوكي يالله قولي أي اربيعه
احمد:بس عندي شرط
مريم:اووهوو شو هشروط الي ماتخلص
اوكي قول
احمد:تقوليلي أي شي صار
مريم:بقلك لو أي شي صار
احمد:مريومه يوم انا ماكنت ارد عليج اشتقتيلي
مريم :هاا
توت توت توت
فاتصل احمد حق راشد
كان زعلان
احمد:الوو
راشد:وينك يا ريال ليش ماتتصلي
احمد: يا ريال خلني احل مشكلتي عقب اسالني
راشد:ليش شو السالفه
قال احمد حق راشد كل شي حصل
راشد:اف اف هاا كله حصل ماقتلي
احمد:عطني حل يا بوي
راشد:لا تتصل فيها خلها هي تتصل
احمد:اوكي باي
راشد :باي
ومر شهر وكبر حب مريم لأحمد
واشتاق احمد لمريم
فاتصلت مريم لأحمد
مريم : احمدوه رد علي
احمد:هلا
مريم:هاا جي ماتتصلبي
احمد: يالله ردي علي؟
مريم:اكيد اشتقتلك
احمد:ريم هي الي قالتلي اسمج
مريم اوكي باي
احمد:باي
طلعت مريم من بيتها سارت بيت ريم
ريم:هلا بحبيبتي هلا
مريم:مدام انا حبيبتج ليش قلتي حق احمد اسمي
ريم:منو احمد
مريم:اتسوين عمرج ماتعرفينه
ريم:انا ماعرفه احلفلج ماعرفه
مريم:محد يا سال عني عقب الامتحانات
ريم:هي امبله واحد احليو قال انج تشبهين وحده من اهله
وقلت حقه اسمج
مريم:انزين ليش خبرتيه
ريم:عيل شو اقوله
مريم:قوليله مالك خص
ريم:المرة اليايه بقوله
مريم:عقب شو
ريم: انا اسفه
مريم : اوكي انا بعد اسفه
ريم:ليش تتأسفين
مريم: مالي حق اتهجم على بيتكم لو شو ما صار
ريم:قعدي اتعشي ويانا
مريم:لا اهلي يتريوني
انزين باي
ريم:باي
سارت مريم البيت واتصلت حق احمد
احمد:الو
مريم:ليش جذبت على البنت
احمد:يعني شو تتوقعين اني بقوللها
ابي اتعرف على اربيعتج
مريم:شو تبابه اسمي
احمد:بس جي
مريم: انزين خلاص لا تزعل
احمد: انا ازعل من مريوم حبيبتي
مريم:انزين بسير اتعشى
باي
احمد:باي
سار احمد اتصل حق راشد علشان يطلعون يتعشون
ورد احمد البيت رقد ومريم كانت تتصل فيه
مر شهر ورا شهر
وعلاقتهم تكبر
ويا يوم احمد بيسافر فيه عسب يدرس
احمد:مريومه حبيبتي اتحملي علي عمرج
مريم:حبيبي لا تسافر ادرس هنه
احمد:لازم اسافر وادرس علشان اكون حياتنا
مريم :اتروح وترد بسلامه
عقب سكر من مريم اتصل حق راشد
راشد: الو
احمد:رشود ابا منك خدمه
راشد: آمر تدلل شو تبا
احمد: تاخذ بالك من مريم أي شي تباه تنفذه
راشد: من عيوني يالحبيب
احمد: يالله باي
راشد:باي
ان شاءالله عيبتكم
:
:
:
بعدين بكمللكم القصه
متااابعة
هذا رأيي
شرات الفيديو كليب الاحداث بسرعه اتمر ..
ما شاء الله اول ما كلمته حبها ! وهي ماصدقت يعني واحد يفر عليها الرقم عسب اتدق !
المشاركة الأصلية كتبت بواسطة zoomyat 
شرات الفيديو كليب الاحداث بسرعه اتمر ..
ما شاء الله اول ما كلمته حبها ! وهي ماصدقت يعني واحد يفر عليها الرقم عسب اتدق !
اختي مريم شخصيتها ضعيفه