شحاالكن عساكن بخييير
بنات انا امر في مشكله كبيره بالنسبه لي يمكن البعض منكن بيقولن دلووعه ومادري شو
انا معدتي تعورني وسويت منظار قبل كم يوم وقالوا فيني (بكتيريا فالمعده)
وعطوني مضادات حيويه وهاي مشكلتي والله ماقدر ابلع الادويه
والوالده تبيني غصب اكلهم وانا والله ماقدر قالت ماعلي من دلعج وخلتني غصب اسرطهم
والله اني رحت الحمام عزكن الله وزعته كللللله
عاطيني 3 انواع وكل واحد اخذه مرتين فاليوم
واحد اربع حبات والثاني حبتين ولثالث حبه في كل مره
يعني احسبوا لازم اكل 14 حبه يوميا ولمدة 10 اياام
وانا والله ماااقدر
ويقولون البكتيريا هب زينه ولازم اتعالج بالمضادات الحيويه
بنات عطوني الحل منو استوت لها بكتيريا فالمعده وتشافت من غير ادويه (الله يبعده عنكن)
اكيد بتقولن هاي دلووعه والله العظيم مايخصه بس مااقدر
عطووووووووووووني الحل لاني ماقدر اكل ادويه وفنفس الوقت خااايفه ع صحتي
انزين اختي خذي الشراب
انا مشكلتي نفس مشكلتج ماقدر ابلع الادويه .. قبل يوم كنت امرض ابوي يطحن لي الدوا و يحطه فالماي وانا اشربه بس بعد طعمه مب شي ..
انا شاء الله قدرت افيدج .. بس احس ما يستوي تطحنين 14 حبه كل يوم ..
همممم قولي حق الدكتوور انج ماتروومين تبلعين الحبوب و هو يمكن يعطيج شراب او ابر ..
والله يعينج ان شاء الله ..
ويعطيج العافيه و يشفيج ..
معافاية إن شاااااء الله
الغالية انا دارسة دبلوم ارشاد اسري وفوحدة من الدورات قال لنا الدكتور طريقة لبلع الدواء،، أنا جربتها مع أخوي الصغير والحمدلله نجحت وياه
طبعا هي لها تفسير علمي
انا بقولج الطريقة وجربيها واذا نجحت وياج بلغيني
شوفي الغالية وانتي تبلعين الدوا اوقفي،، وسمي باسم الله وعقب حطي حبة الدوا فحلقج وارفعي ايدج اليسار، اشربي الماي بيمناج بس تمي طالعي ايدج اليسار وركزي عليها وانتي تبلعين الماي، وما بتحسين الا وانتي بالعة الدوا.
جربيـــــــــها وردي علي.
ماعطوني شراب وقالوا لازم حبوب حتىالدكتور ضحك عليي
شو اسوي