دخيل الله اللي تقدر تساعدني تدخل الموضوع مصيري

السلام عليكم

شخباركم بنات طالبتكم بنات اللي عندهم بيت في العين للإيجار او تعرف ناس يبون يأجرون بيتهم ياليت تعطيني رقمهم محتاجة بيت للإيجار ضروري قريب… اوضاعنا صعبه وقادرين والحمدلله نستأجر وتعرفون ..غير مسموح البيع والشراء هالحين ..على الاقل يكون عندنا بيت انا وزوجي وعيالنا بالايجار بدل هالتشتت

ويكون غرفتين وصاله وحمامين على الاقل في منطقة نظيفة اعيش فيها مرتاحة ومب مشكلة بيت شعبي والا فلا صغيره على قدنا ..

والسموحة .. اختكم أم راشد

و الله يا اختي ما عرف و كان ودي اساعدج

بس ان شاء الله البنات يفيدونج ..

الله يعينك حبيبتي وتلقين

مشكورات فديتكن ماقصرتن والله

واتريا رد البنات ان شاء الله خير

الحائرة فديتج والله ماقصرتي بس بعدني مب محصله يارب عونتك

والله يرزقج يالغالية بالذريه الصالحة اللي تكون لج عون في الدنيا والاخره

من قريت ردج سبحان الله ياني مسج من ربيعتي مسقطه من كم يوم الله يرزقها يارب بالذريه

وفعلا اثر فيني وايد وهو فضل الاستغفار شوفي قدرت ربج سبحانه :

هذه قصص قصيره عن فضل الإستغفار
يقول الداعيه خالد السلطان عن هذا الموقف مع أحد المستغفرين :
في ليله من ليالي التشريق أيام الحج وبالقرب من البيت العتيق ألقيت كلمه عن الإستغفار وفضله وأثره مع الأدله وما أن أنتهيت حتى طلب مني احد منهم الحديث معي على إنفراد فبدأ بسرد قصته مع الإستغفار.
ابو يوسف:أنا تزوجت ولكن زوجتي تأخرت بالإنجاب فقمت ببذل الأسباب ماسمعت عن طبيب إلا زرته ثم سافرت للخارج فرجعت للكويت وكلي رجاء بالله
قلت: الله يرزقك الذريه الصالحه عليك بالدعاء .
ابويوسف: آمين لكن بعد ماخلصت القصه في يوم من الأيام وأنا أستمع لإذاعة القرآن السعوديه سمعت من يقرأ << فقلت أستغفروا ربكم إنه كان غفارا يرسل السماء عليكم مدرارا ويمددكم بأموال وبنين ويجعل لكم جنات ويجعل لكم أنهارا >>فشرح الشيخ الآيه أن الإستغفار طريق لإنجاب الأطفال فعلقت الكلمات في بالي فلما رجعت للبيت قلت لزوجتي ماسمعت وعزمنا على أخذ العلاج ( الإستغفار ليلا ونهارا وسرا وعلانيه تدري ياشيخ ماذا حصل ؟!!
زوجتي حملت بنفس الشهر الذي أستغفرنا به وجاء يوسف والحمد لله
قلت:ماشاء الله صدق وهو خير الصادقين والله لايخلف الميعاد ومن أصدق من الله قيلا
بويوسف:شيخ للآن لم تنته القصه.لما أنتهت زوجتي من النفاس قلت لها أستغفري ثانيه فاستغفرنا فحملت بنفس الشهر وجاء الثاني ولما أنتهت من نفاسها قلت استغفري نبي ثالث فاستغفرنا فجاء الثالث فلما أنتهت من النفاس قالت وقف يابويوسف عن الإستغفار بنية الأولاد حتى يكبروا بعدها نستغفر.بعد ماكبر الأولاد قليلا قلت عندنا ثلاثة أولاد ونرجو من الله أن يرزقنا بنت حلوه استغفري وانت ترجين بنت .. فسكت بو يوسف.
قلت: الله رزقك البنت ؟
بويوسف:أبشرك أنا اليوم جئت الحج وزوجتي في النفاس مع بنتها الجديده .

ف سبحان الله نصيحتي لج يالغاليه بكثره الدعاء وتتفقين انتي وريلج تسووون لكم جدول بالاستغفار تيلسوون مع بعض وتستغفروون لين لسانكم مايتعود سبحان الله على الاستغفار بكل وقت وبكل حزة ،،

للرفع