المايوه الشرعي لو سمحتن

حد شاف المايوه الشرعي الجديد في اي مول سنتر بالشارقه او دبي بدور عليه من فتره طويله جزاها الله خير اللي تدلني

شو هالموضه اليديده ، مكياج شرعي ، منكير شرعي ، حجاب شرعي ، مادري شو شرعي ، اسمحيلي حبوبه بس ماحيد درسونا ولا علمونا في الدين عن هال تفاهات اللي طالعه الحين شرعي وغير شرعي و إسلامي و غير إسلامي اللي كلنا نعرف الحرام حرام والحلال حلال ، وبعدين الله يهديج تقولين مايوه شرعي (مثلا يكون معري جسمي /اسمحيلي ع هالكلمه / وفيه حجاب مثلا ) يعني ماعرف الشرعي اللي تتكلمين عنه ، اللي سمعت عنه في لبس سباحه بس يكون مغطي جسمج كامل وفيه نفس الحجاب للرأس بس مأمنه فايده لانه راص ع الجسم يعني محدد جسمج ، مودري أنا هاللي فهمته من موضوعج واسمحيلي

اللي لاحظته في هالمنتدى انه الوحده اذا دخلت تسأل سؤال محد يرد عليها على حسب سؤالها لا يتبرعون بنصايح وادعيه وفتاوى حتى لو ما طلبت انزين طلبها واضح يا تردون على حسب ما طلبت يا تقولون ما نعرف والنصايح خلوها عالخاص بدل الفضايح عالعام يعني ذوقاً بس

حبوببببببةه اللبس الشرعي بتحصلينه في مردف محل عدال محل هالوكيتي عدال السينما
وفالشارجه في مركزظ صحارى المول الجديد في محل رياضه بالطابق الثالث مقابل محل اي ماكس
واسعارهم تتراوح بين 300 و 550 في الشارجه ودبي

والي اتول مرصص وما ادري شو ما اعتقد انج شفتيهم ولا شفتي اشكال هالانواع من اللبس لان الي نشتريه كله يكون واسع وما يلصق بالجسم وماله داعي كل هالكلام ما يسوى عليها طلبت طلب
"فلتقل خيرا او لتصمت"

يا سبحان الله !!! يمكن البنت تريد تلبسه فى جيم نسائى و الا فيللا بمسبح خاص فى فندق واللا فى اليوم المخصص للنساء مثلا فى وايلد وادى!!!!
عموما يا روشة المايوه الشرعى بتحصليه مثل ما خبرتج الاخت ريم فى مردف فى اكثر من محل للالبسة الرياضية و بعد فى دبى مول صديقتى اشترته على 300 درهم بس ما اذكر اسم المحل بسألها وأردلك عالخاص

وأنا ما قلت أنها بتلبسه في مكان عام ولا شئ بس أنا استغرب من هالمسميات ها قصدي واللي مب عايبنه كلامي برأيه بس ماحيد أني قلت شئ غلط ولا غلطت ع البنت أوكي ، وثاني شئ وضحت أنا في ردي شو اللي مب عايبني اللي هي المسميات ، وبعدين وين الفضيحة في الموضوع أنا قصدي مسميات مب شئ هي اخترعته ولا مسوتنه يعني في فرق ، وبعدين اللي تقول اللبس مب مرصص وغيره حوبي أنا قلت وجهة نظري في هال نوعيه من اللبس لا غير ، وبعدين هي أدرى إذا اللبس راص عليها ولا المكان اللي بتلبسه مناسب ولا لاء ، ياخي ليش محسسيني أني أكفرت باللي قلته استغفر الله ناس تفكيرهم على قدهم