انا منتسبه جديده للمنتدى
بغيت شوركن خواتي
عندي مشكله
عندي ولد يعاني من اولاد الجيران كله طايحين قيه ضرب و سب …وانا كلمت اهلهم بس لا مجيب
و المشكله انه صغير و تعرفون اليهال عينهم على اللي عند غيرهم و اهلهم موفرين لهم كل شي يبونه ::: عندهم دراجات وانا اخاف ع ولدي اشريله و حده … والآيبد نظر ولدي ضعيف و امبيه يتعود عليه
وكل ما اجوفه يطالع اليهال يلعبون يتقطع قلبي عليه
ونحن مثل ما تعرفون نحن ف اجازه و ما اعرف كيف انظمله اجازته … اذا قلتو اوديه نادي اولاد الجيران بيلحقونه
شو اسوي ساعدوني ؟؟!
لازم تعلمي ولدك الدفاع عن نفسه اللي يضربك تضربه
مب المقصد يطلع عدواني بس الدفاع عن النفس خصله لازم يتعلمها
لان لو اقول لك لاتخليه يطلع معهم ولا يشوفهم بنحل المشكله
بس الحياه مليانه مشاكل الصغار دوم يتهاوشون في المدرسه
في الحديقه كل مكان خل يعرف يدافع عن نفسه
شجعيه يثق في نفسه ومايخاف
الدراجه عادي جيبي له لانها حلوه للعيال
لا تخافي بيطيح مره ثنين عقب بيتعلم
الخوف الزايد على الطفل مب حلو
خاصه انه ولد يبي له الشجاعه والقوه
طلعيه الحديقه يلعب بالدراجه
خذيه يتعلم كاراتيه علميه سباحه
طلعي من ابنك رجال
قال الحبيب على افضل الصلاه والسلام
علموا اولادكم السباحه والرمايه وركوب الخيل
لا تجيبي له ايباد
بس جيبي له دراجه وخليه يلعب
شجعيه لو طاح قولي له لاتبكي اركب وطح مره وثنين عقب بتصير تطير بيها
لو ولدك مشغول بحصص تعليم سباحه وطلعات لحديقه يركب دراجه
ماراح يشوف للي مع الغير لان عقله مشغول
الفراغ هو اللي يخلي الطفل يشوف للي مع الغير ويبي زيه
فرحي ولدك وبنفس الوقت خليه واثق من نفسه