الرضاعة

السلام عليكم بنات و امهات

عندي مشكله ويا ولدي عمرة 4 شهور و قطع الرضاعة من صدري و ابي طريقة اخلية يرجع يرضع
بليز ساعدوني مب عارفة شو اسوي هو قطع كمل اسبوع

يمكن اعطيتيه حليب صناعي ووقف يرضع منج ؟

شٌٌٌـٌٌٌٌـٌٌٌـــSHOـــٌٌٌــٌٌٌٌوٌٌٌ سبب القطع الغالية.

روحي الامومه والطفوله يساعدونج ف هالشي جدا متعاونين

هلا اختي اولا ليش ولدج ودر الرضاعه شوفي انا مربيه من شهرين وهالاسبوع مداومه وطبعا انا من النوع الي اشفط واخلي حقه حليب فالبدايه يوم رديت من الدوام حسيته مب قادر يمسك صصدري بسبب المرضعه بس الحين اوكي بس فبنتج الاولى ما كنت اشفط كنت اعطيها صناعي وودرت صدري وبما انه بعده اسبوع ترومين عليه يوعيه وان شاء الله بيرجع يرضع

ايه تستوي حتى اخت زوجي ولدها ودر الرضاعه مايريد يرضع من صدرها يصيح كله

بس الحين تعطيه صناعي من يوم مولود سبحان الله

يوم تعطيه مايطيح يمسك يجلس يصيح

سبحان الله وتحاول معه ومشي فايده وهي فالبيت جالسه وهذا اول مولود لها

معليش تحملي اشوي يوعيه واخر شي من اليوع راح يرضع منج هو ما تقبل الصدر الحين لانه حس فرق ف المص والمرضاعة اسهل في المص وكمية الحليب بسهولة تتدفق في حلجه اما الصدر فيبالة مص اقوى .. آدري قلبج ما بيطاوعج تيوعينه وما تعطينه صناعي وكذلك زوجج بعصب لما يشوفه يوعان وما تعطينه المرضاعة بس هذا كله ف مصلحة الطفل اوﻻ واخيرا .. الحليب ااطبيعي بيبعد عنه الامراض ويقوي مناعته . وان رفض الصدر مع التجويع وما اظن انه بيرفض فما لج غير الشفط …
الشفط يباله صبر صبر صبر ثم الصبر هههه بس ﻻزم تعرفين كيف تحافظين على كمية الحليب علشان ما تقل مع الشفط … كل ساعتين ﻻزم تشفطين ﻻزم ﻻزم مو تنطرين لين الثدي ينمزر حليب ﻻ … لانج اذا تكاسلتي الحليب راح يجف تدريجيا ….وكلما شفطي او رضعتي البيبي اكثر كلما زادت كمية الحليب عﻻقة طردية
واذا عنج اي سؤال في الشفط انا حاضرة صار لي 7 شهور انا اشفط ههه الله يعيني ويعين جميع الامهات