حبيت افضفض شوي وياكم يا حلوين ^^
انا مابا ارمس عنها هاذي ام الغالي طبعااا
بس بقولكم طبايعها يعني الي مب عايبتني فيها للاسف
ام ريلي طيبه واذا يلست وياها ووجبتها طبعا انا فوق راسها
بس مجرد نيلس وياها تحبنا بس وين المشكله
المشكله لسانها اعوذ بالله لازم ترمس عن اي شي
مثلا مره صارت مشكله عوده بيني وبين ريلي الله لا يردهاك اليوم
تخيليو فظحتني في كل مكان ولا تزود وتبهر السالفه ع كيفها
والله وصلنا محاكم وطلاق والعياذ بالله ليش انزين انا وريلي نفس اليوم تراضينا
وهيه اول الناس تدري ليش يعني هاذا ولدج وانا مرته مب حرام عليها فظحتنا في كل مكان
الله يسامحج يا عمتي والله سرت وقل حق ريلي قالي حرمه عوده والله انا ولا مره سرت
اظاربت وياها ولا عمري تلاسنت وياها والله من اشوفها منبعيد اسير ابوسها على راسها
مع انه وايد مشاكل استوت بيني وبيينها بس طبعا من طرفها انا هادي ولا ارادد ولساني مب طويل
الي في عمرها مستحيل اتلاسن وياه طبعا لاني والله اعتبرها شروات امي
المشكله مب انا بس حتا حريم حميي نفس الشي يعني بتقعد عني برتمس عن الاربعه الباقيات
واذا يلست مع وحده منهن بتطريني وبتطري الباجي يعني ليش ؟؟
المشكله كلنا الحريم عارفات هالشي ونعرف طبعها عدل ودوم يوم نتيمع مانحش فيها خخخخخخ
بس نقول حق بعض هيه شو تقول عن كل وحده فينا هههههه بس كلنا نحبها ونحترمها وعشان رياييلنا
نحترمها المشكله حتا مشاكل بناتها تقولها لنا وهن يشكن لامهن يعني مب حلوه اتيين وتقولين لنا
هاي اسرار بيوت ومب حلوه تطلع برع صح ؟؟!! يعني مرت حمي مطلقنها من سنين وبنين
وهيه بعدها ترمس عنها ياختي الحرمه راحت فحالها خلاص وهيه ماخلت حد الا قالت له عن سوالفها
الله يستر عليها خلاص هاي ام عيال ولدج بعد ع الاقل عشانهم هاي امهم بس لا حياة لمن تنادي للاسف
بس هالحركات لين متااا عايشين في بيت واحد ربي يحفظنا الله يهديج ياربي ويسامحج
لولا غلات الغالي في قلبي جان مايلست وياها بس عشاااانه وعشاااااان مايزعل مني ..
الله يعينج … بس دايما حاولي انج تكسبينها .. وانتي ما شاء الله صابره ع اللي تسويه وهالشي بيخليج كبيره في عين ريلج .. واهم شي لا تسيرين دوم عند ريلج وتتشكينله عن امه لانها امه واكيييد غاليه حتي لو بيسمعج بس في خاطره كلام ثاني .. حبيبتي .. اكسبي رضاها ولو تمت اتحش او ترمس عن اي حد تمي ساكته ولا تطرين شي عن تقول قالت وسوت وطرت فلانه الخ.. من هالسوالف.. واذا استوت مشكله بينج وبين ريلج حلوها رووواحكم في حجرتكم مافي داعي هيه تعرف او حد يسمعكم ..
هاي اللي اقدر اقولج اياه ،،
والله يسعدج ويا ريلج ..
بس الله يكوون فعووونج اختي
والله يهديهاااا
يعني اذا امج فيها هالطبع شو بتسوين !!
مالج الا الصبر وعامليها بالحسنى وادعيلها…
حرمه كبيره وهيه اللي يابتلج غاليج على ويه الدنيا 
موفقه
راعيها اذا تحبين ريلج
ماعليه خلاص دام الكل عارف اسلوبها سمعي وطنشي وخلاص