حبايبي
اشوووي شويه غيرنا و ابتعدنا عن مشاكل الازواج و اليكم المشكله اهتموا فيها هاااااااااااااااا
مب بس تركضون لمشاكل الازواج
تراني بحذف عضوايتكم هههههههههههه
المشاركة الأصلية كتبت بواسطة 0 المشاركة الأصلية كتبت بواسطة 0 من فتره سكنوا قريب منا عرب , وماشاء الله عندهم عيال الله
يحفظهم لهم
بين فتره وفتره كانوا عيالهم يتجابلون مع عيالي عند البوابه الخارجيه
يوم عيالي يلعبون خاري
وتطور الموضوع ان عيالهم اييون كل وقت وكل شوي , لأن ولله الحمد
بيبانا دووم مبطله
من دون شي يفجون باب الصاله ويهبطون ويسيرون الميلس
ويشغلون ألعاب الفيديو
حتى لو عيالي رقود أو مب موجودين , وما ادري إلا وهم فالبيت ,
قلت يهال ومابكس بخاطرهم , أخليهم يلعبون عقب اخلي البشاكير يودونهم بيتهم , وتكرر الموضوع اكثر من مره
صبح ظهر ليل ماشي فرق , يفتحون الباب ويدخلون
المهم , شوي شوي قمنا نقفل البوابه الخارجيه
مهما كان هذول عيال الناس ونحن مانعرفهم ولو صار فيهم شي بيرد
علينا الغلط
الله لا يراويكم من نقفل البوابه , الجرس مايسكت ويفرون الحصا على
الباب ويددقونها باي شي في ايدهم
وللعلم ان بشكارتهم تكون معاهم ولا شي فالخاطر
الخصوصيه اختفت آخر مره ماوعيت إلا بــ 8 عيال منهم ومن عيال
اهلهم فالبيت وانا كنت تعبانه ومنسدحه فالصاله
ماشاء الله من عمر 14 سنه لين سنتين بنات واولاد , اللي فالمطبخ
واللي فالغرف واللي يطالعوني كني كائن فضائي
وبصراحه سمعت كمن كلمه ابداً ماعيبوني وانا ملتزمه جداً في تربية
عيالي
وإحترام الكبير أهم شي , والله عيالي مايدخلون عليه الغرفه من دون
مايدقون الباب من اكبرهم لين اصغرهم
للأسف حاولت كذا طريقه ومافي فايده
لو طلعنا من البيت نرجع نحصلهم يلوووس على البوابه يتريونا , لدرجه
الساعه 8 الصبح ونحن رقود
يحرقون الجرس
للعلم عيالي ولا مره ساروا صوب بيتهم حدهم يلعبون جدام بوابتنا
بس
شو الحل اكثر من هالشكل
رمست البشكاره وقلت لها مب كل وقت تييبينهم , نحن نبي نرتاح
وعندنا اوقات عرب والعيال مب كل وقت يلعبون
يبون اكل رقاااد سبوح
وما اقدر ارمس الناس اقولهم قبضوا عيالكم مب حلوه بعد
لاحول ولاقوة إلا بالله
والحل !!؟
ما عندج الا حل واحد انج تكلمين امهم اذا هي مب حاسه بعيالها وفارتهم عالخدامه والييران انتي وعيها وخبريها هالنوعيه ما ايون الا بهالطريقه
لانج قفلتي عنهم الباب مافي فايده كلمتي البشكاره نفس الشي
ما لج الا امهم وهذا بيتج انتي حره صح انا معاج فشله بس هالنوعيه من الناس الواحد لازم ما يتفشل منهم
باجر عيالج ببيستوون مثلهم صدقيني
أذاشافوج انتي باردة و ساكتة عنهم