بدخل في الموضوع على طول
انا متزوجة من 7 سنوات وهذي السنة ربي رزقني باول مولود الحمد لله وزوجي من بداية زواجنا محد مثله بس من ثاني سنة او ثالث سنة من زواجي اكتشفت انه يكلم بنات وكل سوالف الرجال وواجهته وطبعا في النهاية قفلنا الموضوع ورجع الوضع طبيعي بس بدون ثقة وصرت دائماً افتش الموبايلات واحصل مسجات المهم إحنا على هالحال 3 مرات دائماً اصيده وربي يفضحه قدامي ومايتوب وانا الغبية كنت دائماً بس أزعل فترة بعدين نرجع طبيعي لأني مؤ من الامارات أهلي من دولة خليجية ثانية المهم قبل سنة زوجي طلع اي فون وفي الدوام ممنوع الأجهزة الي بكاميرات وخاصة الأجهزة الذكية وقال بأخذ الفون معاي الدوام وما اقدر اطلع فيه لمن ارجع البيت الحين لي سنة ماشفت الفون دائماً يقول في الدوام
ونرسل لبعض مسجات الواتس اب عادي بعدين لاحظت في فترات يقول انا بنام ولمن ارسل في الواتس يبان عندي انه فتح المسج وطنشت لأني كنت حامل وخايفة على حملي قلت ما بفتح الموضوع وتكرر موضوع مسجاتي الي يفتحها وهو يقول انا نائم حتى لمن يطلع ابوظبي مع اي احد وانا ارسل يفتح المجسات ويقول جهازي في الدوام وانا عارفه انه كذاب وجئت قبل اسبوع وداني الخياط وقائل لمن تخلصي تتصلي عليا المهم خلصت جئت لتصل خلص رصيدي طلعت من الخياط أدور السيارة مبركن بعيد رحت مشي للسيارة وانا جاية من ورأ السيارة لاحظت الآي فون في ايده اول ما فتحت الباب رما الجهاز الجمب الثاني وعيونه مليانة خوف رحت انا جلست أتكلم عادي كني ما شفت شي وكل ما طلبت شي في السيارة قال حاضر من الخوف
الزبدة دام زوجي مخبئ الفون عني أكيد فيه بلاوي بالهبل وانا الحين سكت لأني بسافر عند أهلي فيى العيد وما أبغى اخرب سفرتي لسة ولدي عمره بس 3 شهور
الحين أبغى اعرف متى افتح الموضوع معاه لانه مرة مصخها بتكون هذي رابع مرة يفضح فيها قدامي أبغى اسوي شي يخليه يتأدب لأنو في اغلب المشاكل الي هو يساويها يقلبها عليا ويخليني انا الغلطانة هذا أسلوبه لمن يحس نفسه انه انفضح الحين بروح عند أهلي برتاح بس مؤ قادرة حتى الحين يجئ البيت ونجلس مع بعض ولا كانه مسوي شي وحتى لمن عرفت عن الآي فون في السيارة أبدا ما قصرت معاه في اي شي في البيت احس لو احد ثاني كانت تكلمت وفتحت موضوع الفون ولا رضيت تجلس عنده بس افكر في ولدي وأهلي أبغى حل لهالوضع مؤ معقولة ينفضح قدامي اربع مرات وانا أعديها كلها بسلام ولو فتحت معاه الموضوع وانا عن أهلي بيقول طيب ليش ماتكلمتي من اول فاتحتيني بالموضوع وأكيد ويجيب الفون ويمسح كل شي فيه ولا كانه حصل شي
هنا لمرة ما أبغى أعديها بسلام لانه دائماً تحصل المشاكل وانا عندي دوام في الجامعة مقدر أسافر عند أهلي بس الحين لأني كنت حامل وولدت أخذت إجازة لين شهر اثنين
الي بتقول طلاق وما طلاق ما ينفع لانه هذا طبع الرجال طيب وكر أمتي
أبغى أخوفه بالانفصال
لا تسكتين
خلج قويه فترة المواجهه لا تصيحي ولا تبينين انج ضعيفه
واجهيه بهدوء ولاتكتميييين ف قلبج لان بي يوم وبتنفجرين
وربنا يفرّج عنك حبيبتي ..
داومي عالاستغفار .. وادعي ربك يهديه ..
الكلام الفاضي اللي يداولونه الشباب وواايد وما يصير نحن نفسر على كيفنا شوفي نحن الحريم المسجات بينا ماتكون
وايد ماسخة شرات الرياييل ,,, الرياييل يكتبون بينهم البين مسجات الاغلبية تخص البنات واللي يطرش مسج حبيبته
لربعه وااايد سوالف اساليني انا ,, انا ريلي مايحب اقرى مسجاته نهائيا ما اقولج رضيت بينت انه عادي مايهمني
فونه بس من داخل احترق هذا اول ما خذى الفون ,,, تميت مثل القطو احاول اسرق فونه ماقدرت الزبدة سرقته وانتهى
الوقت شفت بلاوي دردشة بين الرياييل والله استغربت بعدين عرفت ليش ريلي مايباني اشوف لانه تفشل الصراحة ولين اليوم
ما يعرف اني نبشت فونه وفسخته عدل …المفروض مانحكم دايما اذا سمعتيه ولا شفتيه بعينج لازم تسوين حد مع
هالمشكله لكن مجرد مسجات هذا مب سبب انه يكون بتهمة الخيانة